"ნაციონალური მოძრაობა" საზოგადოებამ, პრაქტიკულად, ამოირეცხა პოლიტიკური მეხსიერებიდან" - ბექა ოდიშარია
„ნაციონალური მოძრაობა“ საზოგადოებამ, პრაქტიკულად, ამოირეცხა პოლიტიკური მეხსიერებიდან, – ამის შესახებ საპარლამენტო უმრავლესობის წევრმა, ბექა ოდიშარიამ განაცხადა.
როგორც ბექა ოდიშარიამ აღნიშნა, მარტივ მამრავლებად დაშლილი „ნაციონალური მოძრაობის“ წევრები, უბრალოდ, იქნებიან საკუთარი ტელევიზიების სიუჟეტების გმირები და მეტი არაფერი.
„რაც უფრო მეტად იშლებიან ეს ადამიანები და რაც უფრო მეტ ახალ მოძრაობას და პლატფორმას აანონსებენ, მათ ვურჩევდი, რომ შეცვალონ თავიანთი სერიოზული ჰაბიტუსები და ცოტა გაიღიმონ, რადგან ტრაგედიიდან ეს უკვე კომედიაში გადავიდა, ყოველ შემთხვევაში, საზოგადოებაში აღქმა ასეთია. მე უკვე დათვლილი მაქვს დაახლოებით ცხრა „ნაციონალური მოძრაობა“, მათ ბოლოს კიდევ ორი შეემატა – მელია და გვარამია თავიანთი ცალ-ცალკე შტოებით. ეს ადამიანები ერთად რომ იყვნენ, ვერაფერი დააკლეს ვერც საქართველოს, ვერც ხელისუფლებას, ვერც „ქართულ ოცნებას“ და ახლა მარტივ მამრავლებად დაშლილები, უბრალოდ, იქნებიან საკუთარი ტელევიზიების სიუჟეტების გმირები და მეტი არაფერი. საზოგადოებამ ისინი, პრაქტიკულად, ამოირეცხა პოლიტიკური მეხსიერებიდან“, – განაცხადა ოდიშარიამ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი