პარტია „ხალხისთვის“ ლიდერი ქუთაისში ადგილობრივებს შეხვდა
პარტია „ხალხისთვის“ ლიდერი, ანა დოლიძე იმერეთის რეგიონში ადგილობრივ მოსახლეობას შეხვდა და მათი ყველა მთავარი პრობლემა პირადად მოისმინა. ინფორმაციას ამის შესახებ პარტია „ხალხისთვის“ ავრცელებს.
პარტიის პრესსამსახურის ცნობით, ანა დოლიძეს ქუთაისში უამბეს, რომ ქალაქი, ახალგაზრდებისგან, ფაქტობრივად, დაიცალა.
მათ დოლიძეს პირდაპირ უთხრეს, რომ ყველა ასაკის [ადამიანი] და განსაკუთრებით კი ახალგაზრდები, ქვეყანას, ქუთაისს ტოვებენ და ემიგრაციაში მიდიან.
როგორც ადგილობრივებმა პარტია „ხალხისთვის“ ლიდერს განუცხადეს, მათი ახლობლები და ნაცნობები სახლებს, ყველანაირ უძრავ ქონებას ყიდიან და უმრავლესობა, მექსიკის გავლით, ამერიკაში გადასვლას ცდილობს.
„ჩვენ ვხედავთ, რომ ქვეყანა იცლება. ქუთაისში თუ ჩამოხვალთ, ნახავთ, რომ ეს აღარაა ისეთი აქტიური ქალაქი, როგორიც ჩვენ გვახსოვს. ქუჩები დაცარიელებულია. ლუკმა-პურისთვის და თავის გადასარჩენად, ჩვენს მოქალაქეებს სამშობლოს დატოვება და უცხოეთში გადახვეწა უწევთ. ვინც აქ დარჩა, როგორც თავად მიყვებიან, არც სამსახური აქვთ და არც პერსპექტივა ჩანს.
ფაქტია, რომ ტურიზმი არ არის და ვერ იქნება ის მთავარი დასაყრდენი, რაც ქალაქს გამოაცოცხლებს. ფასების ზრდა კი, ისე მძიმე ტვირთად აწევთ ადგილობრივებს, რომ ქვეყნიდან გაქცევის გარდა, გამოსავალს ვერ ხედავენ. ჩვენ აქ ვართ, რომ თითოეულის პრობლემა მოვისმინოთ და მაქსიმუმი გავაკეთოთ, რათა ხელისუფლება ვაიძულოთ, რომ კონკრეტული ნაბიჯები გადადგას და მოქალაქეებს თავის გადასარჩენად ქვეყნიდან გაქცევა, აღარ უწევდეთ. 2024 წელს კი, ამ ხელისუფლებას აუცილებლად შევცვლით და გვჯერა, რომ ამ საქმეში თითოეული ადამიანის დიდი მხარდაჭერა გვექნება“, - აცხადებს ანა დოლიძე.
სიახლეები
- "უკრაინისთვის საკვანძო სამხედრო დახმარების მიწოდების შესახებ დასავლეთის გადაწყვეტილებები ძალიან ნელია" - ზელენსკი
- უცხოური ვალუტის ოფიციალური კურსი 21 მაისისთვის
- "პირველ კვარტალში დასაქმებულთა რაოდენობამ 1 402 000 შეადგინა, რაც რეკორდულად მაღალი მაჩვენებელია" - ლევან დავითაშვილი
- ირანის პრეზიდენტის ცხედარს თავრიზიდან მეშჰედში გადაასვენებენ
- როგორი ამინდია მოსალოდნელი საქართველოში