"ზოგიერთი ოპოზიციონერის სიცანცარე ჩემთვის აუხსნელია" - ალეკო ელისაშვილი
რეკომენდაციების შესასრულებლად სამუშაო ჯგუფებში აუცილებლად მივიღებთ მონაწილეობას. ყავის დასალევად არსად მივდივართ, ჩვენიც საკმარისი გვაქვს, – ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.
ელისაშვილის თქმით, სიცანცარეა, რასაც ოპოზიციიდან ზოგიერთი კოლეგა აკეთებს.
„ჩვენთვის მაშინაც გაუგებარი იყო რაღაც ზედმეტი ფორიაქი, როცა ამბობდნენ, რომ „ქართულ ოცნებასთან“ ერთად ყავის დასალევად არ შევიდოდნენ. ყავის დასალევად არსად მივდივართ, ჩვენი ყავაც საკმარისი გვაქვს. სამუშაო ჯგუფებში მონაწილეობას მივიღებთ, რათა პირნათელი ვიყოთ ევროკავშირთანაც და ქვეყნის მომავალთანაც.
სიცანცარეა, რასაც ოპოზიციიდან ზოგიერთი ჩემი კოლეგა სჩადის. პარლამენტში რაც შემოვიდნენ, ყოველდღე იძახიან, უნდა გავიდნენ და სულ ბოიკოტში იყვნენ, ოღონდ რატომ, კაცმა არ იცის და სამუშაო ჯგუფებში არ მონაწილეობდნენ. ევროკავშირის წარმომადგენლებმა გვითხრეს, რომ ერთად დასხედით და იმუშავეთო. „ქართულ ოცნებასთან“ ერთად რამდენიმე საათი ჯდომა არ მეხალისება, მაგრამ ქვეყნის მომავალს ასე სჭირდება და ეს გვითხრეს. ზოგიერთი ოპოზიციონერის სიცანცარე ჩემთვის აუხსნელია. გამოვიდნენ და თქვეს, ყველაფერი გავაკეთეთ, რომ სტატუსი მოეცათო. შემოვიდნენ სამუშაო ჯგუფებში და ეს იქნება მათი მუშაობა“, – განაცხადა ალეკო ელისაშვილმა.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"