"ბრძოლის ველზე პაუზები არ იქნება, რადგან ეს რუსეთს სარგებელს მოუტანს"– ვოლოდიმირ ზელენსკი
უკრაინის პრეზიდენტის, ვოლოდიმირ ზელენსკის განცხადებით, ბრძოლის ველზე პაუზების დაშვება არ შეიძლება, რადგან ეს სარგებელს მოუტანს რუსეთის ფედერაციას უკრაინის წინააღმდეგ ომის გაგრძელებაში.
„უკრაინის ტერიტორიაზე ბრძოლის ველზე პაუზა არ არის პაუზა ომში, ეს არ გამოიწვევს პოლიტიკურ დიალოგს რუსეთის ფედერაციასთან ან სხვა ვინმესთან. პაუზა მხოლოდ დაეხმარება რუსეთის ფედერაციას. ჩვენ გვესმის მოცულობები - რამდენს აწარმოებენ ისინი დღეს. ჩვენ ვიცით, რამდენ დრონს და არტილერიას აწარმოებენ ისინი დღეში. ჩვენ ვხედავთ, რა აკლიათ მათ და რომ აქვთ დიდი დეფიციტი დრონებთან და არტილერიასთან დაკავშირებით. დიდი დეფიციტი", - აღნიშნა ზელენსკიმ ტალინში, ესტონეთის პრეზიდენტ ალარ კარისთან ერთობლივ პრესკონფერენციაზე.
მისი თქმით, რუსეთი ირანიდან Shahed-ის ტიპის დრონების დიდ შესყიდვებს ახორციელებს.
"ისინი ასევე მოლაპარაკებებს აწარმოებენ რაკეტებზე, მაგრამ ჯერჯერობით შეთანხმებას ვერ მიაღწიეს", - აღნიშნა ზელენსკიმ.
გარდა ამისა, მისი თქმით, რუსებმა უკვე მიიღეს მილიონზე მეტი საარტილერიო ჭურვი ჩრდილოეთ კორეიდან. „ჩვენ ასევე ვნახეთ ზოგიერთი რაკეტის მაგალითიც“, - დასძინა ზელენსკიმ.
მისი თქმით, რუსები ვერ ასწრებენ საკუთარი იარაღის წარმოებას.
"ახლა ეს პაუზა არ არის უბრალოდ გაყინული კონფლიქტი. ეს არის პაუზა, რომელიც მათ დაეხმარებათ. ისინი ვერ ასწრებენ", - აღნიშნა ზელენსკიმ.
ზელენსკის ასევე დაუსვეს შეკითხვა, თუ რა ზეწოლას განიცდის უკრაინა მისი მოკავშირეების მხრიდან, რომ რაღაც შეცვალოს ომის წარმართვაში და კერძოდ, შეერთებული შტატებისგან ომის გეგმის დაზუსტებასთან დაკავშირებით.
„ამა თუ იმ საბრძოლო გეგმებთან დაკავშირებით მინდა გითხრათ: სანამ ყველაფერი უკრაინის კაბინეტებში წყდება, ჩვენი ბრძოლა უკრაინის სასარგებლოდ იქნება და ჯერჯერობით სწორედ ასე ხდება”, - აღნიშნა ზელენსკიმ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი