"არ მგონია, საქართველოში მოიძებნოს პოლიტიკოსი, რომელსაც შეეძლო დაეშალა „ნაციონალური მოძრაობა“, გარდა ლევან ხაბეიშვილისა "- კახა კალაძე
არ მგონია, საქართველოში მოიძებნოს პოლიტიკოსი, რომელსაც შეეძლო დაეშალა „ნაციონალური მოძრაობა“, გარდა ლევან ხაბეიშვილისა, - ამის შესახებ „ქართული ოცნების“ გენერალურმა მდივანმა კახა კალაძემ განაცხადა.
მისი თქმით, იმას, თუ რატომ „იშლება „ნაციონალური მოძრაობა“, ყველაზე უკეთესად სწორედ ხაბეიშვილი განმარტავს. ამასთან, კალაძე „ნაციონალური მოძრაობის“ დაშლას შეუქცევად პროცესად აღიქვამს.
„ზოგადად ოპოზიციაში ხდება გადაჯგუფება, რეალურად ისინი ერთი ჯგუფის წარმომადგენლები არიან, დღეს შეიძლება ერთი სახელი დაირქვან, ხვალ მეორე, გუშინ „ნაციონალური მოძრაობა“ იყვნენ, დღეს „ლელოა“, ამას არსებითი მნიშვნელობა არ აქვს. საზოგადოებამ უკვე იცის, ვინ არიან ეს ადამიანები, რას წარმოადგენენ, რა არის მათთვის მამოძრავებელი, ვისგან იმართებიან, საიდან იმართებიან, ყველაფერი ცხადი და ნათელია. შესაბამისად, ვინ სად წავა და რომელ პარტიას დატოვებს ან გაერთიანდება, ამას არსებითი მნიშვნელობა არ აქვს. მათ სძულთ ჩვენი ქვეყანა, მათ სამშობლო არ გააჩნიათ, უსამშობლო ადამიანები არიან, აქვთ კონკრეტული დავალებები, საიდან, როგორ, ვისგან, ვიცით ყველამ, და ასრულებენ ამ დავალებას“, - განაცხადა კალაძემ.
სიახლეები
- „საქსტატი“ - 2023 წელს, ემიგრანტების რაოდენობა 95.6%-ით გაიზარდა
- საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ - გერმანიის საგარეო უწყება
- ვიზალიბერალიზაცია დავიწყეთ ჩვენ, მაგრამ ამათმა, როგორც ყველა სხვა დანარჩენი, ესეც უკუღმა წაიყვანეს
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე