CNN: რუსეთს უკრაინაზე მნიშვნელოვანი უპირატესობა აქვს საარტილერიო ჭურვების რაოდენობით
რუსეთი იმაზე მეტ საარტილერიო ჭურვს აწარმოებს, ვიდრე ეს უკრაინის დასახმარებლად შეუძლიათ აშშ-ს და ევროპას. ამის შესახებ ევროპის და ნატოს სადაზვერვო სამსახურების წარმომადგენლებზე დაყრდნობით იუწყება ამერიკული ტელეკომპანია CNN-ი. მისი წყაროების თანახმად, რუსეთი ყოველთვიურად აწარმოებს 250 ათასამდე საარტილერიო ჭურვს, ანუ წელიწადში დაახლოებით 3 მილიონს. აშშ-ს და ევროპის სახელმწიფოებს შეუძლიათ უკრაინა ყოველწლიურად მოამარაგონ 1,2 მილიონი ჭურვით.
CNN-ის ცნობით, დასავლეთის დაზვერვის მონაცემებით, რუსეთი ფრონტზე ყოველდღე ხარჯავს 10 ათასამდე საარტილერიო ჭურვს, ხოლო უკრაინა - დაახლოებით 2 ათასს, ფრონტის წინა ხაზის ზოგიერთ მონაკვეთზე კი უფრო ნაკლებს. ტელეკომპანია აღნიშნავს, რომ უკრაინამ დასავლელი მოკავშირეებისგან მიიღო თანამედროვე შეიარაღების სისტემები, თუმცა, სამხედრო ანალიტიკოსების აზრით, ომში შესაძლოა, გაიმარჯვოს იმ მხარემ, რომელიც მეტ საარტილერიო ჭურვს იყენებს.
ნატოს წარმომადგენელმა ანონიმურობის დაცვის პირობით, CNN-ს უთხრა, რომ რუსეთი ორ ცვლად, 24 საათის განმავლობაში ამუშავებს ჭურვების მწარმოებელ ქარხნებს და თავდაცვის სექტორში დასაქმებული ჰყავს დაახლოებით 3,5 მილიონი ადამიანი, მაშინ, როცა უკრაინაში ომის დაწყებამდე ეს რიცხვი 2-2,5 მილიონი იყო. გარდა ამისა, რუსეთი ამ საბრძოლო მასალებს იღებს ირანისა და ჩრდილოეთ კორეისგან.
ამასთან, CNN-ის წყაროთა თანახმად, რუსულ სამხედრო მანქანას, რომელიც ამჟამად სრული დატვირთვით მუშაობს, აქვს შესაძლებლობების ზღვარი, რომელსაც, სავარაუდოდ, მომავალი წლისთვის მიაღწევს.
სიახლეები
- ტირამისუ
- "სალომე ზურაბიშვილი კონსტიტუციის დარღვევის შემდეგ, ახლა უკვე ქართველი ხალხის დაცინვაზე გადავიდა - „ერთდღიანი კანონი უნდა მივიღოთ“, ხალხის დაცინვაა" - შალვა პაპუაშვილი
- „უცხოური გავლენის გამჭვირვალობის შესახებ“ პროექტზე ევროსაბჭოს წიაღში არსებული, საერთაშორისო ექსპერტების მიერ მომზადებულ დასკვნას აქვეყნებს, რომელიც მისივე განმარტებით, „უმძიმეს შეფასებებს“ მოიცავს " - ანა ნაცვლიშვილი
- "ახალგაზრდებს პირდაპირი ეთერის ფორმატში საჯარო დისკუსიაში მონაწილეობა შევთავაზე, თუმცა იმავე წამს რადიკალებს მხრიდან ახალგაზრდების ბულინგი დაიწყო და ამ პირობებში ვერც ერთმა ჯგუფმა მონაწილეობა ვერ გარისკა" - პრემიერი
- მთავრობა ევროპის ჩემპიონატისთვის თვითმფრინავის 3000 ბილეთის სუბსიდირებას გეგმავს