"მზადება იმისკენ მიდის, რომ ყოფილი თანაგუნდელები სააკაშვილსა და კეზერაშვილს სარფიანად ევაჭრონ"- იაგო ხვიჩია
ვფიქრობ, მზადება იმისკენ მიდის, რომ ყოფილი თანაგუნდელები მიხეილ სააკაშვილსა და კეზერაშვილს სარფიანად ევაჭრონ, თორემ არჩევნებზე „ნაცების“ ორზე მეტი პარტიით გასვლა მომგებიანი არ იქნება, ამ რისკებზე საუბრობს სააკაშვილიც, – ამის შესახებ „გირჩის“ წევრმა, იაგო ხვიჩიამ განაცხადა.
როგორც ხვიჩიამ საქართველოს პირველ არხს განუცხადა, თუ გვარამია-მელიას ცალკე გასვლა უნდათ, კიდევ უნდა შეიერთონ დანარჩენი „ნაცური“ პარტიები.
„„Ნაცებს“ არჩევნებზე ორი პარტიით გასვლა შეუძლიათ, ისევე როგორც „ქართული ოცნება“ ცდილობს, რომ „ხალხის ძალა“ მეორე ძალად ჰყავდეს. ზოგადად, ეს ქართველი პოლიტიკოსების უცნაური ვნებაა, როცა ერთი პარტია არ ჰყოფნით და მეტი უნდათ. „ნაცურ“ გაერთიანებაში „ლელოსა“ და ზურაბ ჯაფარიძეს ვხედავ, ეს იქნება გვარამიასთან თუ პირდაპირ მიშასთან, ვერ გეტყვით, მაგრამ ხმების არდაკარგვისთვის კარგი იქნება, თუ ასე გადანაწილდებიან“, – განაცხადა ხვიჩიამ.
საქართველოს ყოფილმა პრეზიდენტმა, მიხეილ სააკაშვილმა განაცხადა: „ნიკა გვარამია და ნიკა მელია დიდი ბიჭები არიან, იმედია, ყველა რისკი კარგად გათვალეს, ახალ პარტიებს 5-პროცენტიანი ბარიერის გადალახვა ძალიან გაუჭირდებათ“.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"