"ქუთაისში პარლამენტის ყოფნას ქუთაისის განვითარებაზე არავითარი გავლენა არ ჰქონდა"- პრემიერი
ქუთაისში პარლამენტის ყოფნას ქუთაისის განვითარებაზე არავითარი გავლენა არ ჰქონდა - შეიძლება თქვენთვის ეს მნიშვნელოვანი იყო, მაგრამ ქუთაისის განვითარებაზე გავლენა არ ჰქონია! - ასე უპასუხა პრემიერ-მინისტრმა ირაკლი კობახიძემ ქუთაისში სტუმრობისას, ჟურნალისტების მიერ დასმულ კითხვას.
კობახიძის თქმით, მმართველი გუნდის საარჩევნო პროგრამაში ქუთაისს “ღირსეული ადგილი ექნება“.
“თუ ეკონომიკა ჩვენი ჩამოსვლით იცვლება, ახლაც ჩამოვალთ, მაგრამ სტატისტიკით დასტურდება, რომ პარლამენტის ქუთაისში ყოფნა ქუთაისის დემოგრაფიას და ეკონომიკას არ წაადგა. ჩვენი მთავარი ამოცანაა, რომ ქუთაისმა ახალი ფუნქცია შეიძინოს. ამისკენ კონკრეტული ნაბიჯები გადაიდგა - ერთ-ერთია ქუთაისის საერთაშორისო უნივერსიტეტი. მნიშვნელოვანია ქუთაისს ისეთი კონკრეტული გეგმები შევთავაზოთ, რომელიც სწორედ მის ეკონომიკურ განვითარებას წაადგება.
ჩვენ საარჩევნო პროგრამას ძალიან მალე წარვადგენთ. ამ საარჩევნო პროგრამაში ქუთაისს ღირსეული ადგილი ექნება“, - განაცხადა ირაკლი კობახიძემ.
ირაკლი კობახიძე ქუთაისის აკაკი წერეთლის სახელობის სახელმწიფო უნივერსიტეტში, რეგიონების სახელმწიფო უნივერსიტეტების სტუდენტებს შეხვდა.
სიახლეები
- უცხოური ვალუტის ოფიციალური კურსი 27 აპრილისთვის
- "ჩვენი გზა გამჭვირვალობა, ოჯახური ღირებულებების დაცვა, ეროვნული პოლიტიკის კეთება და საქართველოს რეალური ევროპული გზაა, ქრისტიანული და დემოკრატიული, ღირსეული ევროპული გზა"
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"