გიორგი მსხილაძე აცხადებს, რომ პრეზიდენტი „უცხოური გავლენის გამჭვირვალობის შესახებ“ კანონს ვეტოს დაადებს
პრეზიდენტის საპარლამენტო მდივანის, გიორგი მსხილაძის განცხადებით, პრეზიდენტი გამოიყენებს თავის კონსტიტუციურ უფლებას და „უცხოური გავლენის გამჭვირვალობის შესახებ“ კანონს ვეტოს დაადებს.
მისივე თქმით, პარლამენტის ბიუროს დღევანდელ სხდომაზე მოითხოვეს, „უცხოური გავლენის გამჭვირვალობის შესახებ“ „ქართული ოცნების“ საკანონმდებლო ინიციატივა არ დარეგისტრირებულიყო და შეწყვეტილიყო ამაზე საუბარი, რისი პირობაც შარშან დაიდო.
„ყველამ იხილეთ, რა რეაქცია მოჰყვა უმრავლესობის მიერ აღნიშნული კანონის ინიცირებას. ამას გამოეხმაურა როგორც ევროკავშირი, ისე ნატო-ს გენერალური მდივანი, ჩვენი საერთაშორისო პარტნიორები, სტრატეგიული პარტნიორები, ამერიკის შეერთებული შტატები. მათ აღნიშნეს, რომ აღნიშნული კანონის მიღება ხელს შეუშლიდა საქართველოს ევროინტეგრაციის გზაზე. შესაბამისად, ჩვენ ბიუროზე მოვითხოვეთ, რომ აღნიშნული კანონი საერთოდ არ დარეგისტრირებულიყო, არ გატარებულიყო რეგისტრაციაში, რათა არ დაწყებულიყო განხილვა კომიტეტებში და შეწყვეტილიყო ამ კანონზე საუბარი, რისი პირობაც შარშან დაიდო“, – განაცხადა გიორგი მსხილაძემ.
სიახლეები
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"
- "ბიძინა ივანიშვილმა მოგვცა მაგალითი, თუ როგორ შეიძლება გადადო თავი, როდესაც ეს ქვეყნის გადარჩენისა და გათავისუფლებისთვის არის აუცილებელი"
- "მამული, ენა, სარწმუნოება - არის ჩვენი ფუნდამენტი, ჩვენი ეროვნული თვითმყოფადობისა" - მიხეილ სარჯველაძე