„გირჩმა“ ოფისში საროსკიპო გახსნა
„გირჩი“ ოფისში საროსკიპოს ხსნის. ამასთან დაკავშირებით პოლიტიკური გაერთიანება გირჩის ლიდერმა ზურაბ ჯაფარიძემ ბრიფინგზე განაცხადა.
„საროსკიპოს სახელწოდებაა „პიონერი“, სპონსორი კი ერთ-ერთი „სექსშოპია“. 1 საათით ამ ფართის დაკავება ეღირება 49 ლარი და 90 თეთრი და ამ სერვისით შეიძლება ისარგებლოს ნებისმიერმა ადამიანმა, რომელსაც სურს სექსუალური მომსახურებით სარგებლობა.
აღნიშნულით ჩვენ ვარღვევთ 254-მუხლის მესამე ნაწილს, რომელიც გულისხმობს პროსტიტუციის ხელშეწყობას. ამ მუხლის პირველი და მეორე ნაწილით გათვალისწინებული ქმედება ისჯება თავისუფლების აღკვეთით 3-დან 6-წლამდე. იგულისხმება პროსტიტუციისთვის ადგილის ან საცხოვრებლის გადაცემა ჩადენილი წინასწარი შეთანხმების ჯგუფის მიერ, ამ შემთხვევაში ჩვენ ვართ ეს გჯუფი.
შესაბამისად, ხელისუფლებას აქვს არჩევანი გასაკეთებელი - ან უნდა დაგვაპატიმროს მთლიანად „გირჩი“, ან გაათავისუფლონ ამ მუხლით დაკავებული ყველა პირი. მათ შორის, ზოგადად, შეწყვიტონ უდანაშაულო ადამიანების დევნა“, - განაცხადა ჯაფარიძემ, რის შემდეგაც მთაწმინდაზე პარტიის მაჟორიტარობის კანდიდატს, ჰერმან საბოს სთხოვა, ოფიციალურად გაეხსნა „საროსკიპო“.
მისივე თქმით, „ასე არც ერთი მსგავსი დაწესებულება არ არის მოწყობილი არამარტო საქართველოში, არამედ მთლიანად ამიერკავკასიაში“.
„რამდენიმე დღის წინ დააკავეს რამდენიმე სასტუმროს მეპატრონე, რომელთაც ბრალად ედებათ პროსტიტუციის ხელშეწყობა და ადგილის გადაცემა. ეს არ არის პირველი შემთხვევა, როდესაც სექსინდუსტრიაში დასაქმებულ ადამიანებს სისტემა როგორც მონებს ექცევა და ყველა ხელისუფლება, რომელსაც სჭირდება სხვა პოლიტიკური თემის გადაფარვა, ახორციელებს ხოლმე ამ ადამიანების ტერორს“, - აღნიშნა ზურაბ ჯაფარიძემ.
პროსტიტუციისთვის ადგილის გადაცემის ბრალდებით დაკავებული როენა ხუცურაული თავს დამნაშავედ არ ცნობს და დუმილის უფლებას იყენებს.
მისი ადვოკატი არჩილ დვალიშვილი აცხადებს, რომ „მამიდას“ გლდანში მდებარე საკუთარი ფართი ბოლო რამდენიმე წლის განმავლობაში გაქირავებული ჰქონდა, თუმცა მეიჯარე იქ რა საქმიანობას ეწეოდა, არ იცოდა.
imedinews.ge
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი