"რეზერვები წმინდა ძროხა არ არის, რომ ხელი არ ახლო" - რომან გოცირიძე ლარის კურსზე
ფრაქცია “ნაციონალური მოძრაობის“ თავმჯდომარის, რომან გოცირიძის შეფასებით, ეროვნული ბანკის მიერ რეფინანსირების განაკვეთის გაზრდა 0.5%-ით სწორი გადაწყვეტილებაა.
ოპოზიციონერი დეპუტატის აზრით, ეროვნულ ბანკს ეს აქამდეც უნდა გაეკეთებინა.
“ყველა მის ხელთ არსებული მექანიზმები უნდა გამოიყენოს ლარის გაუფასურების შესაჩერებლად და შესაბამისად, ფასების ზრდის თავიდან ასაცილებლად, მათ შორის უნდა გამოიყენოს რეზერვები. წინა თვეს ამ ზომისათვის რომ არ მიემართა, რომელმაც გარკვეულწილად ბაზარი დაამშვიდა, ლარი დიდი ხანია გადაცილებული იქნებოდა სამიანის ნიშნულს და საკმაოდაც. რეზერვები წმინდა ძროხა არ არის, რომ ხელი არ ახლო. თუ რეზერვებს აგროვებ და ბაზარში (კურსში) ერევი, მისი უკან დაბრუნებაც იგივე ეფექტის მქონე ქმედებაა და ცალკარა თამაშის (მხოლოდ დაგროვება) ჯანსაღ საქციელად გასაღება, სისულელეა.
ეროვნულმა ბანკმა თუ ეპიზოდურად წაიფაფხურა, მთავრობა არაფერს აკეთებს ლარის სტაბილურობისათვის. პასუხისმგებლობა ორივეს ეკისრება და ჯერ კიდევ არ არის გვიან, შეწყდეს ლარის მცოცავი გაუფასურება“, - აცხადებს რომან გოცირიძე.
საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთის 0.5 პროცენტული პუნქტით, 7 პროცენტამდე გაზრდის შესახებ გადაწყვეტილება მიიღო.
სიახლეები
- კრემლში აცხადებენ, რომ საქართველოს კომპენსაციას არ გადაუხდიან - “ეს მილიონები არსად არ გაქრება, რუსეთს მისი გადახდა მოუწევს”
- სუს-ის ანტიკორუფციულმა სააგენტომ თბილისში, ქუთაისსა და ბათუმში ყალბი სამედიცინო მოწმობის დამზადებისა და კომერციულ მოსყიდვაში დახმარების ფაქტებზე სამი პირი დააკავა
- "ზურაბ ჟვანიას სახელობის სახელმწიფო ადმინისტრირების სკოლა, რომელიც ქუთაისში, 20 წელი ფუნქიონირებდა, თბილისში გადაიტანეს" - ელეონორა არჩაია
- ევროპის დღე ქუთაისში - 24-25 ოქტომბერს დაგეგმილი ღონისძიებები
- "თუ 11 წელი სასწავლო პროგრამისთვის საკმარისია, სხვა რამის გამო არ შეიძლება დავამატოთ მე-12" - ირაკლი კობახიძე
