"ამერიკელი და ევროპელი პოლიტიკოსები ეუბნებიან ხელისუფლებას, რომ ნუ აჩერებ პროექტს"
ხვალაც შეიძლება ანაკლიის პორტის პროექტის გაცოცხლება იმიტომ, რომ ყველაფერი ადგილზეა, - ამის შესახებ პოლიტიკური პარტია „ლელო საქართველოსთვის“ დამფუძნებელმა მამუკა ხაზარაძემ ზუგდიდში განაცხადა, სადაც პარტიის პირველი რეგიონალური ოფისი გახსნა.
როგორც ხაზარაძემ აღნიშნა, მთავრობის მხრიდან ანაკლიის ღრმაწყლოვნაი პორტის პროექტის ხელის შეშლის მიზეზი რუსეთის ინტერესებია და არსებული ხელისუფლების შეცვლის შემდეგ პროექტის განვითარება დაიწყება.
„იცით, რომ ანაკლიის პორტის და ქალაქის მშენებლობა ხელისუფლებამ გააჩერა, იმ მიზეზის გამო, რომ ეს ხელს უშლის ჩრდილოელ მეზობელს. ამიტომ ერთ-ერთი გამოსავალია ეს ხელისუფლება ბიძინა ივანიშვილის მეთაურობით გავუშვათ და როგორც კი ეს მოხდება, მეორე დღესვე დაიწყება ამ პროექტის განვითარება. ხვალაც შეიძლება პროექტის გაცოცხლება, რადგან ყველაფერი მზადაა.
ისეთი დონის ხელისშეშლა მიდის, რომ ამერიკელი და ევროპელი პოლიტიკოსები ეუბნებიან ხელისუფლებას, რომ ნუ აჩერებ ამ ისტორიულ პროექტს“, - განაცხადა ხაზარაძემ.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ