შატილის ტრაგედიის საქმეზე სასამართლოს განაჩენი ცნობილია
შატილის ტრაგედიის საქმეზე, რასაც 17 ადამიანის სიცოცხლე ემსხვერპლა, დღეს დასკვნითი სასამართლო სხდომა გაიმართა.
სასამართლომ დამნაშავედ ცნო ტურისტული კომპანია traveler.ge-ს ხელმძღვანელი შალვა ბოლოთაშვილი და მას 3 წლით თავისუფლების აღკვეთა მიუსაჯა.
7 წლით თავისუფლების აღკვეთა მიესაჯა მიკროავტობუსის მფლობელ გოჩა გოგილაშვილს.
ერთ-ერთი დაზარალებული ოჯახის ადვოკატის, დიმიტრი ნოზაძის განცხადებით, ოჯახი განაჩენით უკმაყოფილოა, რადგან, მათთვის მოულოდნელად, შალვა ბოლოთაშვილს ბრალდების მუხლი გადაუკვალიფიცირდა. თავდაპირველად მასაც და გოჩა გოგილაშვილსაც 276-ე მუხლით გათვალისწინებულ დანაშაულს ედავებოდნენ, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. traveler.ge-ს ხელმძღვანელი სასამართლომ შედარებით მსუბუქი მუხლით გაასამართლა და სამსახურებრივი გულგრილობის ნაწილში ცნო დამნაშავედ.
ადვოკატის განცხადებით, ოჯახი განაჩენის გასაჩივრების მოთხოვნით აპირებს პროკურატურას მიმართოს.
შეგახსენებთ, რომ ავტოსაგზაო შემთხვევა 2020 წლის 23 აგვისტოს, დუშეთის მუნიციპალიტეტში, სოფელ ბისოს სიახლოვეს, შატილის გზაზე მოხდა. სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. 17 ადამიანი ადგილზე გარდაიცვალა, 3 კი მძიმედ დაშავდა. 3 დაშავებულიდან 2 მოგვიანებით გარდაიცვალა.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა