„ჩვენ, ვიცით, რომ გვრიტიშვილები, ნადარაიები და სხვები უვადოდ არიან დანიშნულები, ანუ 65 წლის ასაკამდე. ეს იმას ნიშნავს, რომ როდესაც ჩემი შვილი გაიზრდება და 25 წლის გახდება, სასამართლო სისტემა კვლავ ამ კლანის ხელში იქნება. რომ წარმოიდგინოთ, 90-იან წლებში რამდენად კორუმპირებული იყო სასამართლო და მას დღესაც იგივე ხალხი რომ მართავდეს, ნათლად შეგიძლიათ წარმოიდგინოთ რა მოხდება 25 წლის შემდეგაც. დღეს აქ, ჩემ შვილთან ერთად იმიტომ მოვედი, რომ დღის წესრიგში შეტანილია საკითხი, რომელიც ეხება უზენაესი სასამართლოს წევრების არჩევას. საბჭოს წევრები, შესაძლოა, ცდილობენ, რომ თავიანთი თანამდებობები გაიმყარონ, შესაძლოა, პოზიციების გამყარებას უზენაეს სასამართლოშიც ცდილობენ, მაგრამ მიმაჩნია, რომ მნიშვნელოვანია ვიზრუნოთ ჩვენ შვილებზე. მე, ნამდვილად არ მინდა, ჩემი შვილი ცხოვრობდეს იმ ქვეყანაში, სადაც 25 წლის შემდეგაც მათ თაობას მიხეილ ჩინჩალაძის კლანთან ბრძოლა მოუწევს.

ეს არის რეალობა. ისინი უკვე უვადოდ დანიშნული მოსამართლეები არიან და დღეს ცდილობენ, უფრო მეტად გაიმყარონ ძალაუფლება. უზენაესი სასამართლო, რომელიც ჩვენი მოქალაქეების ბოლო იმედია, შესაძლოა, ჩინჩალაძის კლანის ხელში უვადოდ აღმოჩნდეს",- განმარტა ნაზი ჯანეზაშვილმა.