"მოტივი ბავშვის ჯანმრთელობის მდგომარეობაა, მისი შვილი 6 თვიდან გულის მანკითაა დაავადებული"
ქუთაისში, „საქართველოს ბანკის“ ფილიალზე თავდასხმისთვის დაკავებული გრიგოლ ნარსიას ადვოკატი, ციცინო მამულაშვილი აცხადებს, რომ დაწესებულებაში შეჭრის მოტივი შვილის ჯანმრთელობის მდგომარეობა იყო.
„მოტივი ბავშვის ჯანმრთელობის მდგომარეობაა, მისი შვილი 6 თვიდან გულის მანკითაა დაავადებული, შუნტირება აქვს გაკეთებული და ყოველ წელიწადს, ჟვანიას კლინიკაში გადიოდა რეაბილიტაციურ მკურნალობას. ამისთვის არ მქონდა თანხაო. ამბობს, მძევლების აყვანა გამიზნული ნამდვილად არ მქონდაო, როცა შევედი ბანკში, გავისროლე და რაც სალაროსთან ჰქონდათ, იმ თანხის წაღება და წასვლა მინდოდაო. ასაფეთქებელი მოწყობილობა ნამდვილად არ ყოფილა. ის ბუტაფორია, გაკეთებული იყო, აღწერა კიდეც, რა შემადგენლობა იყო შიგნით. მხოლოდ იმის გამო [მქონდა], რომ შეშინებოდათო“, - აცხადებს ადვოკატი.
ნარსიას უფლებების დამცველები აცხადებენ, რომ მას სახეზე დაზიანებები აღენიშნება, თუმცა, თავად დაკავებულის განცხადების საფუძველზე, განმარტავენ, რომ დაზიანებები უშუალოდ დაკავების დროს მიიღო.
სიახლეები
- "პარლამენტის შენობასთან მიმდინარე საპროტესტო აქციამ ძალადობრივი ხასიათი მიიღო"- შსს
- "რაც უფრო გაძალიანდება ხელისუფლება და ივანიშვილი, მით უფრო ცუდად დამთავრდება მათთვის"- გიგი უგულავა
- "მოვუწოდებთ აქციის მონაწილეებს, არ დააზიანონ რუსთაველის გამზირზე მოწყობილი სცენის ინვენტარი და ტექნიკა" - შსს
- პოლიციასა და აქციის მონაწილეებს შორის დაპირისპირება იყო
- "დღეს ამ კანონის მიღება არის ქვეყნის ღალატი!" - ფრიდონ შუბითიძე