არის თუ არა აღმოჩენილი ცხედარი თამარ ბაჩალიაშვილის - მშობლებს დნმ-ის ანალიზი აუღეს
გარდაცვლილი თამარ ბაჩალიაშვილის ოჯახის ადვოკატის, მიხეილ რამიშვილის ინფორმაციით, ბაჩალიაშვილის მშობლებს დნმ-ის ანალიზი აუღეს.
ადვოკატის თქმით, ანალიზის აღებას ოჯახი გამოძიების დაწყების დღიდან ითხოვდა.
„თავიდანვე, როგორც კი გამოიძიება დაიწყო და გამოძიების წინაშე უნდობლობა გაჩნდა, მშობლები ითხოვდნენ დნმ-ის აღებას და შემოწმებას, თუ რამდენად იყო ცხედარი მათი შვილის, რადგან ბევრი კითხვის ნიშანი არსებობდა და მთავარი პროკურორის მიმართაც აღნიშნული საკითხი დადგა. ამის თაობაზე იყო დღევანდელი შეხვედრა იმ სამუშაო ჯგუფთან, რომელიც შეიქმნა ქალაქის პროკურატურაში გენერალური პროკურორის მიერ. დნმ აიღეს მამის და დედის.
გარდა ამისა, ხვალ გაიმართება ექსპერიმენტი შემთხვევის ადგილზე, სადაც იქნა აღმოჩენილი ავტომანქანა. რა გარემოშიც იმყოფებოდა ცხედარი, რა ტემპერატურაც იყო, ისეთ გარემოში უნდა იყოს ტემპერატურა გაზომილი. შესწავლილი უნდა იყოს ისეთი მდგომარეობა, რა მდგომარეობაშიც იყო ცხედარი ხუთი დღის განმავლობაში. იქნება 24 საათიან რეჟიმში, დაფიქსირდება შესაბამისი ვიდეოკამერით და პარალელურად, დაიწყება სამუშაო პროცესი პროკურატურაში. ისეთ რეჟიმში უნდა ჩატარდეს ექსპერიმენტი, რომ ჩვენი მხრიდან არც ერთი კითხვა არ უნდა დარჩეს“, – განაცხადა მიხეილ რამიშვილმა.
სიახლეები
- „საქსტატი“ - 2023 წელს, ემიგრანტების რაოდენობა 95.6%-ით გაიზარდა
- საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ - გერმანიის საგარეო უწყება
- ვიზალიბერალიზაცია დავიწყეთ ჩვენ, მაგრამ ამათმა, როგორც ყველა სხვა დანარჩენი, ესეც უკუღმა წაიყვანეს
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე