ვარკეთილში ე.წ სვანების ბაზრობასთან მომხდარი ავტოავარია მსხვერპლით დასრულდა. არსებული ინფორმაციით, ბაზრობასთან მსუბუქი ავტომობილი ქალს დაეჯახა, რის შედეგადაც დასუფთავების სამსახურის თანამშრომელი ადგილზე გარდაიცვალა.

უკრაინის საგარეო საქმეთა მინისტრი ბელარუსთან დიპლომატიური ურთიერთობის შენარჩუნების საფუძვლად „საღ ანალიზს“ ასახელებს. მიუხედავად იმისა, რომ რუსეთი უკრაინაზე შეტევისთვის ბელარუსის ტერიტორიასაც იყენებს, კიევი მინსკთან დიპლომატიურ ურთიერთობებს არ წყვეტს.

საქართველოს პრეზიდენტი სალომე ზურაბიშვილი სრულიად საქართველოს კათოლიკოს-პატრიარქ ილია II-ს ესტუმრა. ამის შესახებ ინფორმაციას საქართველოს საპატრიარქო ავრცელებს.

საქართველოს ფინანსთა სამინისტროს საგამოძიებო სამსახურის თანამშრომლების მიერ, ქალაქ თბილისსა და აჭარის, სამეგრელოს, იმერეთისა და კახეთის რეგიონებში გამოვლენილ იქნა კანონდარღვევით მოქმედი 22 აფთიაქი.

ბოლო 7 თვეში, საქართველოში ყირიმ-კონგოს 42 შემთხვევა დადასტურდა, გარდაიცვალა 2 პაციენტი. როგორც ჟურნალისტებს, დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განუცხადა, წინა წლებთან შედარებით, ქვეყანაში ყირიმ-კონგოს შემთხვევები მომატებულია.

აშშ უკრაინას გაუწევს დამატებით 550 მილიონი დოლარის სამხედრო დახმარებას. აშშ-ის თავდაცვის სამინისტროს თანახმად, ახალი პაკეტი მოიცავს საშუალებებს, რომლებსაც უკრაინელები ეფექტურად იყენებენ საკუთარი ქვეყნის დასცავად. მათ შორისაა 75 ათასი, 155-მილიმეტრიანი საარტილერიო ჭურვი და დამატებითი საბრძოლო მასალები მაღალი მობილობის საარტილერიო სარაკეტო სისტემისთვის(HIMARS).