"ხელისუფლება მაგალითს უნდა აძლევდეს ხალხს, აგრძნობინებდეს, რომ არაფრის შეეშინდეს - არც პუტინის, არც კადიროვის და საერთოდ არავისი"
ჟურნალისტი ვახო სანაია სოციალურ ქსელში წერს:
"რა შეგრძნებები შეიძლება, გააჩინოს საქართველოს მოქალაქეში კადიროვის მუქარის განცხადებებმა - ძველმაც და ახალმაც. ასევე - გაბუნიას გარშემო განვითარებულმა ამბავმა.
1. ბრაზი, რომ ამდენს ბედავს, ასე საჯაროდ იმუქრება, შეურაცხყოფას გვაყენებს და ა.შ.
2. შიში, რომ პუტინიც, კადიროვიც აქვე, ახლოს არიან და ადვილად მოგვწვდებიან, ქილერს გამოგზავნიან, სადმე აგვაფეთქებენ, მოგვწამლავენ და ა.შ.
როცა ხელისუფლება არ სცემს სათანადო, თამამ, გაბედულ, პოლიტიკურ პასუხს, კი მან შეიძლება, ეს ამბავი როგორმე გადააგოროს, რუსეთი არ გააბრაზოს, თან ცოტა ქვეყნის ღირსების ხარჯზე გააკეთოს ეს ამბავი და ბოლოს რას მივიღებთ ზემოთ ნახსენები ორი პუნქტიდან ? ბრაზის ადგილიც შეიძლება, მთლიანად შიშმა დაიკავოს. აი ესაა აქ ყველაზე სახიფათო დეტალი. რუსეთის მხრიდან დაჩმორება და შიშის დანერგვა მოსახლეობაში. ამიტომაა მნიშვნელოვანი ხელისუფლება იყოს გაბედული და მაგალითს აძლევდეს თავის ხალხს, აგრძნობინებდეს, რომ არაფრის შეეშინდეს - არც პუტინის, არც კადიროვის და საერთოდ არავისი," - წერს ის.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი