May 12, 2024

რა უნდა გავითვალისწინოთ აცრამდე და აცრის შემდეგ

ალერგოლოგ-იმუნოლოგის, ბიძინა კულუმბეგოვის განმარტებით, კორონავირუსის საწინააღმდეგო ვაქცინაციამდე მოქალაქეს არანაირი მოსამზადებელი პროცედურა არ სჭირდება და არც ვაქცინაციის შემდგომი პერიოდი მოითხოვს რაიმე განსხვავებულ ქმედებას.

 

„არ არსებობს არავითარი ქმედება, რომელიც ადამიანს ეზღუდება, ან პირიქით - მოეთხოვება ვაქცინის წინ და ვაქცინის შემდგომ. ნებისმიერი ვაქცინის გაკეთებამდე წინასწარი ანალიზების გაკეთება საჭირო არაა, ვაქცინებს აქვს მინიმალური უკუჩვენება, როდესაც არ შეიძლება აცრა - ეს არის მხოლოდ ალერგია მასში შემავალ კომპონენტებზე, რაც უკიდურესად იშვიათია, და თუ პირველ დოზაზე განვითარდა ალერგია, მეორედ იგივე ვაქცინა არ კეთდება. დროებითი გადავადების უკუჩვენებაა, თუ კოვიდის გადატანიდან 21 დღე არ გასულა ან ადამიანს აქვს სიცხით მიმდინარე მწვავე დაავადება. ყველა სხვა შეზღუდვა, რომელიც ხალხში მითების სახით არის გავრცელებული - ბანაობასთან, გარუჯვასთან, ვარჯიშთან დაკავშირებით - ეს არ ეხება ვაქცინაციას. ალკოჰოლთან დაკავშირების ისმის ხშირად კითხვები - რა თქმა უნდა, დიდი რაოდენობით ალკოჰოლის მოხმარება, მით უმეტეს ზაფხულში ზოგადად რისკის შემცველია, მაგრამ ვაქცინის შემდეგ 1-2 ჭიქა არავითარ რისკფაქტორს არ წარმოადგენს“, - აცხადებს კულუმბეგოვი.

წაკითხვა 348 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.