გთავაზობთ მასალას მცირე შემოკლებით:

„იმ ღონისძიებათა გეგმის შესაბამისად, რომელიც აზერბაიჯანის საავტომობილო გზების სახელმწიფო სააგენტოს მიერ შემუშავდა და რომლის მიხედვით 2021 წელს გზების მშენებლობა, რეკონსტრუქცია და კაპიტალური აღდგენა უნდა მოხდეს, აღსტაფის რაიონში სტარტი მიეცა კომპლექსურ სარეკონსტრუქციო და აღდგენით სამუშაოს - ახალი საავტომობილო გზის მშენებლობას, რომელიც სახელმწიფო კულტურულ-ისტორიული ნაკრძალისაკენ - „ქეშიქჩიდაღი“-საკენ მიდის.

ახალი საავტომობილო გზა იწყება ადგილობრივი მნიშვნელობის ავტოგზის „აღსტაფა-ფოილო-საქართველოს სახელმწიფო საზღვრის“ 38-ე კილომეტრზე. გზის სიგრძე იქნება 32 კილომეტრი და აიგება „II ტექნიკური დონის“ სტანდარტის შესაბამისად. პროექტის ჩარჩოებში მიწაყრილის სიგანე იქნება 15 მეტრი, ხოლო ასფალტ-ბეტონის საფარისა - 9 მეტრი.

„ქეშიქჩიდაღის“ სახელმწიფო ისტორიულ-კულტურული ნაკრძალის მნიშვნელობის გათვალისწინებით, [რომლის ტერიტორიაზე მდებარე ისტორიული ობიექტები] VI საუკუნეშია აგებული, ახალი გზა დიდ როლს შეასრულებს არამარტო ტურიზმის განვითარებისა და ახალი ტურისტული მარშრუტების შექმნისათვის, არამედ მთლიანად რეგიონისთვის - პოტენციური შესაძლებლობების გაფართოებისთვისაც.

სხვათა შორის, იმავე „ხალკ გაზეთში“ ასევე გამოქვეყნებულია პუბლიკაცია, რომლის თანახმად, აზერბაიჯანელმა არქეოლოგებმა "ქეშიჩქიდაღის" ისტორიულ-კულტურული ნაკრძალის ტერიტორიაზე საავტომობილო გზის მშენებლობისას ძალიან მნიშვნელოვანი მასალები იპოვეს, რაც ადასტურებს იმას, რომ "ქეშიჩქიდაღი" მიეკუთვნება გვიანდელი ბრინჯაოსა და ადრეული რკინის ხანაში (მეორე ათასწლეული ჩვენს ერამდე) არსებულ ხოჯალ-გიადაბეის არქეოლოგიურ კულტურას.

წყარო: http://www.aayda.gov.az/az/news/2874

https://report.az/ru/infrastruktura/k-zapovedniku-keshikchidag-stroitsya-doroga/

http://xalqqazeti.com/news/68655

მოამზადა სიმონ კილაძემ