ქუთაისის მერი გაეროს ბავშვთა ფონდის ოფიციალურ წარმომადგენელს საქართველოში ღასან ხალილს შეხვდა
ქუთაისის მერი იოსებ ხახალეიშვილი მოადგილე ირაკლი ქარქაშაძესთან ერთად, გაეროს ბავშვთა ფონდის ოფიციალურ წარმომადგენელს საქართველოში ღასან ხალილს შეხვდა. შეხვედრაზე განიხილეს ,,ბავშვზე მორგებული ქალაქების ინიციატივის“ ფარგლებში დაგეგმილი და უკვე განხორციელებული საკითხები.
,,ქუთაისი უკვე ორი წელია თანამშრომლობს გაეროს ფონდთან, ,,ბავშვზე მორგებული ქალაქის ინიციატივის“ ფარგლებში, რამაც საშუალება მოგვცა არაერთი მნიშვნელოვანი გამოცდილება გაგვეზირებინა და მოგვემზადებინა ის გეგმა, რომლითაც ჩვენი ქალაქი ოფიციალურად შეუერთდება და მიიღებს ამ სტატუსს.
ხშირად გვაქვს შეხვედრები Unicef -ის გუნდთან , რაც გვაძლევს საშუალებას, რომ თითოეული ნაბიჯი იყოს განსაზღვრული და შედეგებზე ორიენტირებული.
დარწმუნებული ვარ, მიმდინარე წლის ბოლოსთვის ჩვენ მზად გვექნება გეგმა, რაც საშუალებას მოგვცემს, ქუთაისიც შეუერთდეს ბავშვზე მორგებული ქალაქების გუნდს. ეს იქნება ჩვენი ახალგაზრდების წარმატებაზე ორიენტირებული პროგრამა,“- განაცხადა ქუთაისის მერმა იოსებ ხახალეიშვილმა.
ქუთაისმა აიღო ვალდებულება, შეუერთდეს 40 -ზე მეტი ქვეყნის 3000 ქალაქს და ადგილობრივ თვითმმართველობას, ბავშვზე მორგებული ქალაქების ინიციტივაში, რომელიც გაეროს ბავშვთა ფონდის მხარდაჭერით ხორციელდება. ფონდსა და ქალაქს შორის უკვე გაფორმებულია მემორანდუმი, რომლითაც განსაზღვრულია კონკრეტული ქმედებები ქუთაისის ბავშვზე მორგებული ქალაქების ინიციატივაში ჩასართავად.
სიახლეები
- "არ შეიძლება ევროკავშირის კანდიდატი ქვეყანა კრემლის მარიონეტებით იმართებოდეს, ან ერთია ან მეორე"
- "სომხეთი ევროკავშირთან ურთიერთობის გაუმჯობესებას არცერთ სხვა ქვეყანას არ დაეკითხება" - ნიკოლ ფაშინიანი
- უცხოური ვალუტის ოფიციალური კურსი 8 მაისისთვის
- ფაშიზმზე გამარჯვების 79-ე წლისთავთან დაკავშირებით, მეორე მსოფლიო ომის მონაწილეები 2 000 ლარს, ხოლო მეორე მსოფლიო ომში დაღუპულთა ოჯახის წევრები 1 000 ლარს მიიღებენ
- უკრაინაში კიდევ ორი ქართველი მებრძოლი დაიღუპა