ქუთაისში, სიყვარულის დღისადმი დაგეგმილი აქტივობები გადაიდო
ქუთაისში, უამინდობის გამო, ე.წ. ვალენტინობის დღისადმი მიძღვნილი ღონისძიება გაუქმდა.
DMO იმერეთის ინფორმაციით, 14 თებერვალს დაგეგმილი აქტივობები გაზაფხულზე, 15 აპრილს ჩატარდება, როდესაც საქართველოში ასევე სიყვარულის დღეს აღნიშნავენ.
„უამინდობის გამო, იძულებული გავხდით შეგვეცვალა სიყვარულის დღის აღსანიშნავად ჩაფიქრებული პერფორმანსისა და სამახსოვრო ფოტო-სივრცის მოწყობის თარიღი.
ვინაიდან, ჩვენი ჩანაფიქრის მიხედვით, ფოტო-სივრცის სილამაზისათვის აუცილებელი ჰელიუმის ბუშტები ვერ უძლებენ მსგავს ნალექს, ტენსა და ყინვას, აღნიშნული ღონისძიება ჩატარდება გაზაფხულზე, სიყვარულის დღეს, 15 აპრილს“,- აღნიშნულია DMO იმერეთის მიერ გავრცელებულ ინფორმაციაში.
14 თებერვალს ქუთაისში შემდეგი აქტივობები იყო დაგეგმილი:
11:00 საათიდან შთამბეჭდავი სივრცე დაუვიწყარი ფოტოესესიისთვის;
13:00 საათიდან კუპიდონების თეატრალიზებული პერფორმანსი;
14:00 საათიდან DJ გიგა პაპასკირის მუსიკა;
17:00 საათზე, კონცერტის დასასრულს, ცაში გულების გაშვება.
სიყვარულის დღისადმი მიძღვნილი ღონისძიება ბალახვანში, ასსაფეხურიან კიბესთან უნდა ჩატარებულიყო.
ინტენსიური თოვა ქუთაისში გუშინ, გვიან ღამით დაიწყო.
მერიის ა(ა)იპ "სპეციალური სერვისები" მუშაობის საგანგებო რეჟიმზეა გადასული.
ძლიერ თოვას სინოპტიკოსები 18 თებერვლამდე პროგნოზირებენ.
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე