"მანიაკებისთვის“ ქვეყნის მართვის სადავეების დაბრუნება, დაუშვებელია!“ - არქიმანდრიტი ილარიონ გარეჯელი
არქიმანდრიტი ილარიონ გარეჯელი წინასაარჩევნოდ მრევლს მიმართავს და წერს:
„სასულიერო პირის სტატუსიდან გამომდინარე, მაქსიმალურად ვიკავებ თავს პოლიტიკური განცხადებებისგან, რათა ვინმესთვის, ნებისმიერი პოლიტიკური სიმპათიის მქონე ადამიანისთვის, დამაბრკოლებელი არ იყოს ჩემი „მიკერძოება“, რომელიმე „ძალის“ მიმართ. მაგრამ, რაც ახლა მინდა ვთქვა, ეხება მხოლოდ ადამიანთა სულიერ მდგომარეობას და მიმაჩნია, რომ ეს ჩემი პირდაპირი მოვალეობაა. ჩემო მეგობრებო, შეუძლებელია, ნორმალური ადამიანი ფიქრობდეს და თქვას ასეთი სიტყვები: „ორი გვამი მინდა!“ „უიმედო პაციენტების მკურნალობა და მათი სიცოცხლის რამდენიმე თვით გაგრძელება, შავ ხვრელში გადაყრილი ფულია!“, „რაღა დროს გირგვლიანია?!“ და ა. შ. მთელი პასუხისმგებლობით ვაცხადებ, რომ ადამიანი, რომელიც ამ აზრებს ეთანხმება და ამ პათოსს იზიარებს, რადიკალურად დაშორებულია ყოველგვარ ღვთაებრივს და სამუდამო სატანჯველისთვის ამზადებს საკუთარ სულს! „მანიაკებისთვის“ ქვეყნის მართვის სადავეების დაბრუნება, დაუშვებელია! P.S. რაც არ უნდა „გულუბრყვილოდ“ ჟღერდეს, არ ვყოფილვარ არჩევნებზე, მაგრამ, აუცილებლად მივიღებ მონაწილეობას მეორე ტურში და დარწმუნებული ვარ, რომ საქართველოში, ბევრი ფიქრობს ისე, როგორც მე, თქვენი მონა-მორჩილი!“,- წერს არქიმანდრიტი ილარიონი გარეჯელი.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი