,,ვნათლავდი და ვნათლავდი, ვინც ხელში მომხვდებოდა"- ნათია ფანჯიკიძე

ფსიქოლოგი ნათია ფანჯიკიძე სოციალურ ქსელში ნათლისღებასთან დაკავშირებით პოსტს აქვეყნებს და ნათლულების შესახებ წერს.

,,თითომ რომ თითო ბუმბული მიწილადოს, კი გავფრინდები სამოთხეში შხუილ-შხუილითმეთქი, ვფიქრობდი, ქალი ნათლია და ქალი ლოცვა-კურთხევა. ხოდა ვნათლავდი და ვნათლავდი, ვინც ხელში მომხვდებოდა, მიდი მონათლე, მეტყოდნენ, მოიტათ მოვნათლომეთქი, სათვალავიც კი ამერია, იმდენი ოქროს ბავშვი მყავს გავლებული კამკამა წყალში, ღმერთმა ამრავლოთ და ახაროთ, მაგრამ მოგვიანებით გავიგე, ცარიელა ბუმბული არას გარგებს, ნათლიას ბავშვის სულიერი აღზრდა ევალებაო.

 

ჩემიკაიმეთქი, შემოვირტყი თავში ხელი რაზედაც, რადგან როგორც მოგახსენეთ, ბევრი არიან და სხვადასხვა კონტინენტზე თანაც და ამიტომ აქაც ვიპოვე გამოსავალი და ღმერთო, მეუთხარი, ჯერ თავი ვერ აღმიზრდია ჯერეგერთი და მერე მეორეც, ისეთები დავანათლე, მეტი ჩარევა საჭირო აღარაა, თორემ განა მეზარებამეთქი.

 

მოკლედ, რამე რომ იყოს, კი გავფრინდები, მაგრამ სადამდე მივფრინდები, გზაში დავინახავ. თუ შემეტრუსა ფრთები და გავადინე ტყაპანი, იმედია, მთლად მიწაზე არ დავეძნეყვები, ისევ ჩემი ნათლულების სიკაშკაშის წყალობით.

 

ყველა ჩემი ნათლული მინდა იყოს კარატისტი, კიუკიშუისტი და ტაიკვანდოისტი თავის ამბავში და სიბნელის გამნათებელი კიდევ, ხოდა ბავშვებო, თუ შეატყვეთ, რომ აღუზრდელები ხართ, დაუყოვნებლივ მითხარით და დავადგენ საკვირაო სკოლას და დავიკაპიწებ სახელმძღვანელოებს, ზოგისთვის ონ და ზოგისთვის ოფლაინ.

 

ნათლისღებას გილოცავთ სულყველას, ჩემს მონათლულს, სხვის მონათლულს და მოუნათლავებს ზევიდან. მუსლიმებსაც, ბუდისტებსაც, იუდეველებსაც და ვინმე არ გამომრჩეს, ყველას, გილოცავთ კიდევ და თქვენც მომილოცეთ ხოლმე, რაც კაი გაქვთ და კაი იცით, სულყველაფერი", - წერს ნათია ფანჯიკიძე სოციალურ ქსელში.

წაკითხვა 102 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.