მხედველობა აღმიდგა ასი პროცენტით და გადავაგდე მინუს ორიანი სათვალე - რომან გოცირიძე
"ნაციონალური მოძრაობის" ერთ-ერთი ლიდერი შემდეგი შინაარსის სტატუსს აქვეყნებს:
" მას შემდეგ, რაც მიზანმიმართულად ასტრაზენეკათი ავიცერი, აღმომაჩნდა შემდეგი სახის გვერდითი მოვლენები:
-თავში მომდის საოცარი ლექსები,
-მხედველობა აღმიდგა ასი პროცენტით და გადავაგდე მინუს ორიანი სათვალე,
-ზუსტად გამოვიცანი საბერძნეთი-საქართველოს ფეხბურთის მატჩის შედეგი,
-ცოლს ვეხმარები ჭურჭლის რეცხვაში,
-და ბოლოს, მართლაც რომ საოცრება-მესმის ჩემი კატის ენა, ანუ კნავილად ნათქვამი ტვინში გარდაიქმნება ადამიანურ სიტყვებად.
ეს მხოლოდ აცრიდან რამდენიმე დღის შემდეგ. წარმომიდგენია, წინ რა სიახლეები მელის.
ჰო, მთლად დარწმუნებული არა ვარ, მაგრამ ისეთი შეგრძნება მაქვს, რომ ცხვირი მიმოკლდება. ნამდვილია თუ მეჩვენება, ამის შესახებ მოგვიანებით გეტყვით. თუმცა, თქმა რა საჭიროა, ისედაც შემატყობთ.
ამ ტექსტის პირველ აპრილს გამოქვეყნება უბრალო დამთხვევაა.
აცრას გისურვებთ და ჯანმრთელობას.
პატივისცემით,"- წერს ის.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ
