მარცხი არ არის განაჩენი - პეტრე კოლხი
მამა პეტრე კოლხი სოციალურ ქსელში პოსტს აქვეყნებს და წერს, რომ ბედი არ არსებობს. მისი თქმით, ყველა დამიანი საკუთარ ბედისწერას თავად ქმნის.
ამასთან, სასულიერო პირის მტკიცებით, თუ ადამიანს არ უმართლებს, ეს იმას ნიშნავს, რომ არასწორი გზით მიდის.
"ყველა სირთულის მიუხედავად შეგიძლია კარგად და ღირსეულად იცხოვრო.
ნუ იტყვი, რომ არ გიმართლებს, ბედი არ გაქვს. გახსოვდეს, რომ ბედი არ არსებობს. შენ თავს თავად ქმნი. შენ ხარ შენი ბედის მჭედელი.
არ გიმართლებს იმიტომ, რომ არასწორად მოქმედებ, არასწორი გზით მიდიხარ. ჯერ ის გზა აღმოაჩინე, რომელიც შენთვის შეიქმნა და მერე მიხვდები, ყველაფერი ძალიან მარტივად და ზუსტად ლაგდება.
ჯერ ის უნდა იცოდე, რა მისიისთვის ხარ გაჩენილი და მერე უფრო საინტერესო და საქმიანი იქნება შენი ცხოვრება.
ტყუილად იზიდავ დეპრესიას, სტრესს, არასწორად თამაშობ მსხვერპლის როლს. მარცხი არ არის განაჩენი. ის გამოცდილებაა და მოემზადე სიახლეებისთვის. ზოგადად მარცხი არ არსებობს, ყველაფრისგან რაღაცას სწავლობ, სიახლეს იძენ, რაც გეხმარება ახალი ნაბიჯის გადადგმაში.
ჯერ შენი თავი იპოვნე და მერე უფრო ადვილად მიაგნებ შენ ადგილს ამ სამყაროში!.." - წეს პეტრე კოლხი.
სიახლეები
- "სენატორების წერილი განგაშის ზარია"- სალომე სამადაშვილი
- "პროვოკაციებს არ დავუშვებთ - კარგია, რომ აქციები სხვადასხვა დღეს იმართება" - ირაკლი ღარიბაშვილი
- "მიუღებელი, უსამართლო და შეურაცხმყოფელია, მასში მზაკვრობაა ჩადებული, მინიშნება, რომ შეიძლება გადაიხედოს უვიზო რეჟიმი" - ირაკლი ღარიბაშვილი
- ქუთაისის "ახალგაზრდული მრჩეველთა საბჭოს" წევრები განცხადებას ავრცელებენ
- უცხოური ვალუტის ოფიციალური კურსი 27 აპრილისთვის