"ამჯერად მთელმა მსოფლიომ დაინახა იმპერიის სისხლიანი თვალები" - კახა ლომაია
განათლების ყოფილი მინისტრი კახა ლომაია სოციალურ ქსელში უკრაინის ირგვლივ მიმდინარე მოვლენებს ეხმაურება:
"ტრაგედია და ტრიუმფი
პირველი, ვინც 21-ე საუკუნეში იარაღით ხელში გაბედა რუსული მონსტრისგან საკუთარი თავისუფლება დაეცვა, „ვარდების რევოლუციის" საქართველო იყო.
უკრაინა მეორეა. ოღონდ ამჯერად მთელმა მსოფლიომ დაინახა ის, რასაც 14 წლის წინ მხოლოდ ჩვენ და ჩვენი მეგობრების ვიწრო წრე ვხედავდით: იმპერიის სისხლიანი თვალები.
მაშინ ჩვენ დავმარცხდით, მაგრამ გადავრჩით. მსოფლიომ არ დაუშვა ჩვენი წაშლა მსოფლიო რუკიდან. და აპატია რუსეთს.
ახლა ასე აღარ იქნება. დამარცხებული ვეღარ გადარჩება. მსოფლიო აღარ დაუშვებს დამარცხებულის პოლიტიკური სიცოცხლის გახანგრძლივებას. დამარცხებული უკვე ცნობილია. ჰააგის საკნებს მათი სახელები დღეს დილით მიაწერეს.
რამდენიმე საათში დასავლეთი დაიწყებს მსოფლიო ქსოვილიდან რუსული იმპერიის ავთვისებიანი სიმსივნის ამოჭრის მტკივნეულ ოპერაციას.
ტრაგედია ტრიუმფით დასრულდება. უკრაინისთვის, საქართველოსთვის და მთელი მსოფლიოსთვის.
დიდება გმირ უკრაინელ ხალხს!"- წერს კახა ლომაია.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"