"ასეთი სასტიკი ფორმით ხოცავენ ხალხს, ბავშვების ჩათვლით" -ნათია ფანჯიკიძე
მარიუპოლში ნახევარ მილიონ ადამიანს წყალი გადაუკეტეს, ქალაქი ალყაშია, საკვები ვერ შედის, გარდა დაბომბვისა, ასეთი სასტიკი ფორმით ხოცავენ ხალხს, ბავშვების ჩათვლით, - ამის შესახებ სოციალურ ქსელში ფსიქოლოგი ნათია ფანჯიკიძე წერს.
"ამის მომსწრე ვართ და ზოგიერთი ქართული კომპანია ბაზრის შენარჩუნებას ტირის რუსეთთან. სახარების თანახმად მხოლოდ ერთხელ ავლენს ქრისტე მრისხანებას და მხოლოდ ვაჭრებს ყრის ტაძრიდან. სულით ვაჭრებს, რა თქმა უნდა, ბიზნესმენობა ბოროტება არაა თავისთავად,"- წერს ნათია ფანჯიკიძე.
ცნობისთვის, რუსეთის შეიარაღებული ძალების მოქმედებების შედეგად, მარიუპოლში 2 357 ადამიანი დაიღუპა. ინფორმაციას ამის შესახებ უკრაინული მედია მარიუპოლის საქალაქო საბჭოზე დაყრდნობით ავრცელებს.
ამასთან, ადგილობრივი ხელისუფლება აღნიშნავს, რომ ეს დაახლოებითი რიცხვია. ასევე გაურკვეველია, საუბარია სამოქალაქო პირებზე, თუ მათ შორის არიან სამხედროები.
უკვე რამდენიმე დღეა, მარიუპოლი რუსეთის ძალების ალყაშია მოქცეული. ქალაქი ინტენსიურად იბომბება. მარიუპოლში დარჩენილი მოსახლეობა საკვების, წყლისა და მედიკამენტების უკმარისობას განიცდის.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ