"ჩვენს შემთხვევაში, ვშიშობ, პრაქტიკულად შანსიც აღარ არსებობს"
ევროპარლამენტმა თქვა, რომ უკრაინას და მოლდოვას ახლავე უნდა მიენიჭოს ევროკავშირის კანდიდატი ქვეყნის სტატუსი, ხოლო საქართველოსთან უნდა გაგრძელდეს მუშაობა ამ მიმართულებით, - ამის შესახებ სოციალურ ქსელში პოლიტოლოგი გია ნოდია წეს.
"ეს უკანასკნელი ისე უნდა გავიგოთ, რომ, პრინციპის დონეზე, საქართველოს ხალხი იმსახურებს კანდიდატის სტატუსს, მაგრამ ამაზე მსჯელობას შეიძლება დავუბრუნდეთ მხოლოდ მას შემდეგ, რაც საქართველოს ხელისუფლება რადიკალურად შეცვლის პოლიტიკას.
ლოგიკურად ეს არ ნიშნავს, რომ ხელისუფლება უნდა შეიცვალოს; მაგრამ რამდენად დიდია იმის ალბათობა, რომ არსებული ხელისუფლება დარჩეს და თან პოლიტიკა პრინციპულად შეცვალოს, ამაზე შეიძლება ყველას ჩვენ-ჩვენი აზრი გვქონდეს.
გავიმეორებ, რომ ეს არის მთლიანად ევროპარლამენტის რეზოლუცია და არა კუბილიუსის ან ფონ კრამონის პირადი აზრი. „ოცნება“ იძულებული იქნება აღიაროს, რომ, მის ხელში, საქართველოს ზოგადად ევროკავშირთან გაუფუჭდა ურთიერთობა.
რა თქმა უნდა, ევროპარლამენტი საკითხს არ წყვეტს, მისი აზრი მხოლოდ რეკომენდაციაა. მაგრამ ის ასახავს ევროკავშირის ზოგად განწყობას. უკრაინას და მოლდოვას სულაც არა აქვს გარანტირებული, რომ კანდიდატის სტატუსს მიიღებენ - ამას წევრი ქვეყნები გადაწყვეტენ. მაგრამ მათ შანსი აქვთ. ჩვენს შემთხვევაში, ვშიშობ, პრაქტიკულად შანსიც აღარ არსებობს,"-წერს გია ნოდია.
სიახლეები
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"
- "თქვენ საქართველოს მოსახლეობას უნდა დაანახოთ სტაბილურობა, რომ საქართველო მარტო არაა"- პრეზიდენტი ევროკავშირის ელჩებს
- "როდესაც ხელისუფლება ხარ არ შეიძლება ახალგაზრდებს სატანისტები და სხვა ეპითეტები უწოდო!" - პრეზიდენტი
- იერუსალიმში, მაცხოვრის საფლავზე წმინდა ცეცხლი გადმოვიდა