"ევროპის მთავარი საკანონმდებლო ორგანო როგორც ყოველთვის სიმართლის პოზიციას იჭერს" - სააკაშვილი
ევროპის მთავარი საკანონმდებლო ორგანო, როგორც ყოველთვის, სიმართლის პოზიციას იჭერს, - ამის შესახებ საქართველოს მესამე პრეზიდენტი მიხეილ სააკაშვილი წერილში წერს.
სააკაშვილი მადლობას უხდის ევროპარლამენტს მორიგი რეზოლუციისთვის.
როგორც სააკაშვილი აღნიშნავს, ევროპარლამენტის რეზოლუცია არა მხოლოდ თავად მესამე პრეზიდენტისადმი, არამედ მისი ქართველი და უკრაინელი მომხრეებისადმი მხარდაჭერის გამოხატვაა.
„დიდი მადლობა ევროპარლამენტს მორიგი რეზოლუციისთვის, რომელიც ჩემს გათავისუფლებას ითხოვს.
ევროპის მთავარი საკანონმდებლო ორგანო, როგორც ყოველთვის იჭერს სიმართლის პოზიციას. ეს არა მხოლოდ ჩემს მიმართ მხარდაჭერის, არამედ საქართველოშიც და უკრაინაშიც, ჩემი მილიონობით მომხრისათვის მხარდაჭერის გამოხატვაა.
ამავე დროს, ასობით ათასი საქართველოში მცხოვრები მოქალაქე რიგებში დგას მთელს ქვეყანაში, ჩემი გათავისუფლების მოთხოვნის ხელმოსაწერად და არასდროს დავიღლები, რომ მათ მადლობა მთელი გულით ვუთხრა. მათი ხმა ევროპარლამენტარებზე არანაკლებ მნიშვნელოვანია!“, - წერს მიხეილ სააკაშვილი წერილში.
სიახლეები
- "ვიზიტის დათქმებით განხორციელება არ ჯდება იმ სტრატეგიული პარტნიორობის სულისკვეთებაში, მეგობრულ ურთიერთობაში, რომლითაც ჩვენ აშშ-ს ვუყურებთ"
- "გამჭვირვალობის კანონი ქართულია და საქართველოსთვისაა, ამერიკაში რატომ უნდა იყოს განხილვა"
- "დერეკ შოლესთან არ გამომიხატავს შეშფოთება ნიუ იორკში სტუდენტების პროტესტის ბრუტალური დარბევის გამო"
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია