შქმერული - კერძი, რომელიც იაპონიაში ჰიტად იქცა!
კერძი „შქმერული“ იაპონიაში ჰიტი-კერძების რეიტინგში შევიდა.
სიტყვა „შქმერული“ კი იაპონური Yahoo-ს ყველაზე ძიებად სიტყვათა ოთხეულში მოხვდა - ეს ინფორმაცია გაავრცელა იაპონიის საელჩომ საქართველოში. რაჭის სოფელ შქმერის სეხნია კერძი, მართლაც, უგემრიელესია. მთელი მისი საიდუმლო კი ნივრის სოუსია, რომელშიც შემწვარ ქათამს აწყობენ.
შქმერულის უამრავი ვერსია არსებობს და ეს რეცეპტი, მათ შორის, ერთ-ერთი საუკეთესოა.
საჭირო პროდუქტი (4 პორციისთვის):
ქათმის ხორცი - 1-1,2 კგ.
დაფქული წიწაკა - 1 ჩ.კ.
მარილი
კარაქი
რამდენიმე ღერი ქინძი
ნივრის სოუსისთვის:
22%-იანი ნაღები - 500 მლ
ნიორი - 6-7 დიდი კბილი
მომზადების წესი:
ქათამი გამდინარე წყალში გარეცხეთ და შუაზე გაჭერით.
რეცეპტების უმეტესობაში გირჩევენ, რომ ტაფაზე დადებამდე ქათამს მარილი მოაყაროთ, მაგრამ ჩვენ სხვა გზით წავალთ, რომლის დამსახურებითაც ხორცი თანაბრად დამარილებული და ძალიან წვნიანი იქნება - ამისათვის 1 ლიტრ წყალს დაამატეთ 1/4 ჭიქა მარილი, აურიეთ სანამ არ გაიხსნება. ქათამი მარილწყალში ჩადეთ და ერთი საათის განმავლობაში დატოვეთ.
ამოიღეთ ქათამი მარილწყლიდან, გამდინარე წყალში გარეცხეთ, გაამშრალეთ და წაუსვით დაფქული წიწაკა. ზოგი გირჩევთ, გემოვნებით ხმელი ქინძი მოაყაროთ, მაგრამ წიწაკა სრულიად საკმარისია.
ტაფაზე გაადნეთ 50 გრ კარაქი, ზედ მოათავსეთ შუაზე გაჭრილი ქათამი, რამე სიმძიმე დაადეთ და შეწვით, სანამ ორივე მხრიდან ოქროსფერი არ გახდება. სასურველია, რომ ქათამს შეწვა ცოტა დააკლოთ.
შემწვარი ქათამი გვერდით გადადეთ, ხოლო ტაფაზე დარჩენილი ცხიმი გადაღვარეთ.
ამის შემდეგ ტაფა დაბალ ცეცხლზე დაადგით, დაამატეთ რამდენიმე სუფრის კოვზი კარაქი და დანაყილი ნიორი. ნიორი კარაქში რამდენიმე წუთი შუშეთ, შემდეგ დაამატეთ ნაღები და ადუღებამდე მიიყვანეთ.
ნივრიან ნაღებში ჩააწყვეთ დაჭრილი ქათამი და 10 წუთი, დაბალ ცეცხლზე ადუღეთ.
მზა შქმერულს წვრილად დაჭრილი ქინძი დაუმატეთ.
კერძი მზადაა.
გემრიელად მიირთვით!
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე