წვნიანი ბრინჯით და ბოსტნეულით
თუ სამარხვო ცხელ კერძებს ეძებთ, აუცილებლად სცადეთ ეს არომატული და მსუბუქი წვნიანი, რომელიც სასწაულად გემრიელი და სასარგებლოა.
ინგრედიენტები :
წყალი ან ბოსტნეულის ბულიონი - 3 ლ
ყავისფერი ბრინჯი - 0,75 ჩაის ჭიქა
ხახვი - 1 ცალი
სტაფილო - 1 ცალი
ყაბაყი - 1 ცალი
ბადრიჯანი - 1 ცალი
ტკბილი წიწაკა - 1 ცალი
პომიდორი -1 ცალი
კარტოფილი - 2 - 3 ცალი
ნიორი - 3 კბილი
კამა - 0,5 კონა
ზეთი - 6 ს.კ.
დაფქული კარდამონი - 1 მწიკვი
მარილი გემოვნებით
მომზადების წესი:
ბრინჯი კარგად გარეცხეთ გამდინარე წყლის ქვეშ; წყალი აადუღეთ და ჯერ ცოტა მარილი და შემდეგ ბრინჯი ჩაყარეთ. დაიწყეთ ხარშვა;
კარტოფილი გაასუფთავეთ, გარეცხეთ, და კუბებად დაჭერით. წვნიანში კარტოფილი ბრინჯის ჩაშვებიდან 10 წუთის შემდეგ უნდა ჩაყაროთ;
კარტოფილის მოხარშვას ცოტა რომ დააკლდება, ქვაბში ჩაამატეთ დაჭრილი ყაბაყი და ბადრიჯანი, წიწაკა, კანგაცლილი პომიდორი;
ამასობაში ხახვი და სტაფილო გაასუფთავეთ, წვრილად დაჭერით, ზეთიან ტაფაზე დარბილებამდე ერთად მოშუშეთ და წვნიანში ჩაუშვით;
ყველა ბოსტნეულის დამატების შემდეგ ხარშეთ15-20 წუთის განმავლობაში საშუალო ცეცხლზე;
წვნიანს ბოლოს დაამატეთ წვრილად დაჭრილი მწვანილი და ნიორი, მარილი გემოვნებით, დაფქული კარდამონი და შავი პილპილი. ამის შემდეგ ადუღეთ 2-3 წუთი და ქვაბი ცეცხლიდან გადმოდგით.
გემრიელად მიირთვით!
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე