14 აპრილი, დღე რომლითაც ქართველი ერი ვამაყობთ

მხოლოდ დედაენაზე შეიძლება ილოცოს ადამიანმა გულმხურვალედ.

“მხოლოდ დედა ენა არის ენა სულისა და გულისა, ყველა უცხო ენანი კი არიან ენანი მეხსიერებისა… მხოლოდ დედაენაზე შეიძლება ილოცოს ადამიანმა გულმხურვალედ.”- (იაკობ გოგებაშვილი)                                                                                 

14 აპრილს საქართველოში დედაენის დღე აღინიშნება, რომელიც 1990 წლიდან დაწესდა.

 

იაკობ გოგებაშვილმა ”დედა ენა”  1865 წელს შეადგინა . “ქართული ენის ანბანი და პირველი საკითხავი წიგნი მოსწავლეებისთვის”,  ოცწლიანი მეთოდოლოგიური, ფსიქოლოგიური, პედაგოგიური დახვეწის შემდეგ 1876 წელს,  გამოსცა ქართული ენის ორიგინალური სახელმძღვანელო დაწყებითი სკოლებისათვის – ”დედაენა”.

 

„დედა ენის“ წარმატება და პოპულარიზაცია განაპირობა წიგნში ჩადებულმა მაღალმა დიდაქტიკურ-მეთოდიკურმა პრინციპებმა, რომელიც გამსჭვალულია ხალხურობის სულისკვეთებით. “დედა ენაში” ჩადებულია ფსიქოლოგიური საფუძველი, რომელმაც, მოგვიანებით, მსოფლიო აღიარება მოიპოვა. იაკობი ბავშვებში შეუცნობელის შეცნობის წყურვილს აღვივებდა და ქართული ანბანის შესასწავლად განაწყობდა.

 

ამ არაჩვეულებრივი განძის წარსული კი უძველესი დროიდან მომდინარებს, ქართული დამწერლობის და ხელნაწერების ისტორიიდან. ქართული დამწერლობა ერთ-ერთი უძველესია მსოფლიოში, რომელიც გამოირჩევა სიმარტივითა  და სიცხადით.

                                                  „ ოცდაექვსი საუკუნის წინათ

                                                    ქმნიდნენ ქართულ ანბანს

                                                    ხელნაწერნი განვლილ დროის

                                                    მოგვითხრობდნენ გმირთა ამბავს...“

                                                                          (გალაკტიონ ტაბიძე)

ძველი ქართული ხელნაწერების ბედი, საოცრად ჰგავს  ჩვენი წინაპრების ცხოვრებას, უზოუკლოდ დაკარგვა და გაუჩინარება... ეს ყველაფერი ჩვენი უძვირფასესი და უიშვიათესი ხელნაწერების თავს ტრიალებდა. იმ ხელნაწერების, რომლებშიც ჩაწნული იყო ჩვენი საამაყო ენა და ლიტერატურა, კულტურა, დიდებული ტრადიციები, ყველაფერი ის რითაც ვამაყობთ და ვიამაყებთ ქართველი ერი.

 

ძველი ქართული ხელნაწერები სულიერი ხასიათის თხზულებებს შეიცავს და ქრისტიანულ სარწმუნოების განმტკიცებას ისახავს მიზნად, მათ შორის მნიშვნელოვანი ადგილი უჭირავს ბიბლიურ ტექსტებს, ძველი და ახალი აღქმის წიგნებს.

 

ჩარლზ ელიოტმა რომელიც წლების განმავლობაში ჰარვარდის პრეზიდენტი იყო განაცხადა: „მე მხოლოდ ერთ სულიერ შენაძენს ვაღიარებ, როგორც მამაკაცის ან ქალის განათლების აუცილებელ ნაწილს, მე მხედველობაში მაქვს მშობლიური ენის ზუსტი და დახვეწილი ხმარება“.

 

სპეციალურად FirstNews.ge -თვის  მარკეტინგის მენეჯერის ნათია ბეგლარაშვილის ბლოგი.

წაკითხვა 263 ჯერ განახლდა განახლდა აპრილი 14 2019
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.