"რაც უფრო მეტი რუსი ტყვე გვეყოლება, მით უფრო სწრაფად შევძლებთ ჩვენი გმირების გათავისუფლებას"
რაც უფრო მეტი რუსი ტყვე გვეყოლება, მით უფრო სწრაფად შევძლებთ ჩვენი გმირების გათავისუფლებას, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა.
მან მადლობა გადაუხადა უკრაინელ სამხედროებს, რომლებიც, მისი თქმით, მტრების ტყვედ აყვანას უზრუნველყოფენ. ზელენსკი გამოეხმაურა 108 უკრაინელი ქალის ტყვეობიდან გათავისუფლებას და აღნიშნა, რომ უკრაინას თავისიანი არავინ ავიწყდება.
„დასრულდა რუსეთის ტყვეობიდან ჩვენი ხალხის გათავისუფლების მორიგი ეტაპი. შევძელით 108 უკრაინელი ქალის – ოფიცრების, სერჟანტების, რიგითების დაბრუნება. ისინი არიან არმიის, სამხედრო-საზღვაო ძალების, ტერორისტული თავდაცვის, ნაციონალური გვარდიის, სასაზღვრო სამსახურის წევრები. 96 სამხედრო მოსამსახურე, მათგან 37 ევაკუირებულია „აზოვსტალიდან“. 12 სამოქალაქო პირი. გათავისუფლებულებს შორის არიან ისინიც, ვინც ტყვედ აიყვანეს ფართომასშტაბიან ომამდე დიდი ხნით ადრე. ჩვენიანი არავინ გვავიწყდება – ყველა უნდა დავიბრუნოთ და დავიბრუნებთ. მადლობას ვუხდი ყველა ჩართულ პირს ამ წარმატებისთვის. ასევე მადლობა ყველას, ვინც ავსებს ჩვენს გაცვლით ფონდს, ვინც უზრუნველყოფს მტრების ტყვედ აყვანას. რაც უფრო მეტი რუსი ტყვე გვეყოლება, მით უფრო სწრაფად შევძლებთ ჩვენი გმირების გათავისუფლებას“, – განაცხადა უკრაინის პრეზიდენტმა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე