უკრაინა აცხადებს, რომ რუსეთს გაუნადგურა გასული ღამის განმავლობაში გამოყენებული ყველა დრონი
უკრაინის საჰაერო ძალების სარდლობამ დღეს დილით განაცხადა, რომ რუსეთს გაუნადგურეს გასული ღამის განმავლობაში გამოყენებული ყველა უპილოტო საფრენი აპარატი და რაკეტა.
საჰაერო ძალების და ოდესის საოლქო-სამხედრო ადმინისტრაციის მიერ გამოქვეყნებული მონაცემების მიხედვით, დრონებით თავდასხმის ძირითადი სამიზნე ოდესის ოლქი იყო.
უკრაინის საჰაერო ძალების ცნობით, რუსეთის საოკუპაციო ძალებმა უკრაინის სამხრეთ, აღმოსავლეთ და ცენტრალურ რეგიონებზე თავდასხმებისთვის ყირიმიდან გაუშვეს 13 დრონი Shahed-136/131. გარდა ამისა, ჩრდილოეთიდან გამოყენებული იყო საავიაციო რაკეტა Х-59 და 1 დამრტყმელი დრონი, რომლის სახეობა ჯერჯერობით დაუდგენელია.
უკრაინის საჰაერო ძალების თანახმად, არმიის სხვადასხვა ქვედანაყოფმა გაანადგურა 14-ვე დრონი და 1 რაკეტაც.
ოდესის საოლქო-სამხედრო ადმინისტრაციის ხელმძღვანელის, ოლეგ კიპერის ინფორმაციით, უკრაინელი სამხედროების მიერ განადგურებული ერთ-ერთი დრონის ნამსხვრევებმა ოდესის რაიონში დააზიანა საპორტო საწყობის სახურავი. არავინ დაშავებულა.
კიპერის ცნობითვე, გასული ღამის განმავლობაში უკრაინის თავდაცვის ძალებმა ოდესის ოლქში ჩამოაგდეს რუსეთის 9 უპილოტო საფრენი აპარატი.
რუსეთის თავდაცვის სამინისტროს უკრაინაზე დრონებით შეტევის შესახებ ჯერჯერობით არაფერი უთქვამს.
სიახლეები
- "ბიძინა ივანიშვილმა შეწყვიტა ორმაგი თამაში, ვითომ ევროინტეგრაციაზე ზრუნვა და გვთავაზობს რუსეთთან მარტო დარჩენას - სისტემა უნდა დაინგრეს" - ნიკა გვარამია
- "თურმე „გლობალური ომის პარტიას“ მიშა მოჰყავს - სინამდვილეში მიშა თქვენ მოგყავთ, რადგან თუ ასე დააყენებთ საკითხს: პუტინი თუ მიშა, ქართველი ხალხი დაფიქრდება, რომ მიშა სჯობს!" -იაგო ხვიჩია უმრავლესობას
- საქართველოს პარლამენტი „აგენტების კანონს“ მეორე მოსმენით დღეს განიხილავს
- 3-დან 12 მაისის ჩათვლით საჯარო სამსახურებისთვის უქმე დღეებია
- არასამთავრობოები მორიგ შეკრებას აანონსებენ: „კი ევროპას! არა რუსულ კანონს!"