კონტრასტების ქვეყანა: მაულბურგელ ტურისტთა ჯგუფი საქართველოში სექტემბერში მიემგზავრება
გერმანიის ბადენ-ვიურტემბერგის მხარის მთავარი გაზეთის „ბადიშე ცაიტუნგ“-ის («Badische Zeitung») დღევანდელ, 3 ივლისის ნომერში გამოქვეყნებულია სარედაქციო სტატია-განცხადება სათაურით „კონტრასტების ქვეყანა: მაულბურგელ ტურისტთა ჯგუფი საქართველოში სექტემბერში მიემგზავრება“, რომელშიც მოცემულია ბადენ-ვიურტემბერგის მხარის მაულბურგის კომუნის მოგზაურობის მოყვარულთა გეგმები.
„საქართველოში წასვლა დაგეგმილია 24 სექტემბერს, ერთი კვირით, პირველ ოქტომბრამდე. მსურველებისთვის ჯერ კიდევ არის რამდენიმე ადგილი. ავიარეისი ციურიხიდან განხორციელდება თბილისის მიმართულებით“, - ნათქვამია პუბლიკაციაში.
სტატიაში აღწერილია ტურისტული მარშრუტი: პირველი-მეორე დღე - თბილისის ღირსშესანიშნაობების დათვალიერება, მესამე-მეოთხე დღე - საქართველოს მევენახეობა-მეღვინეობის მთავარ რეგიონში - კახეთში ყოფნა (ბოდბე, სიღნაღი, გრემი), მეხუთე დღე - გომბორის გავლით მცხეთაში (საქართველოს ძველ დედაქალაქში), საქართველოს სამხედრო გზა (ჟინვალი, ანანური, ყაზბეგი). მეექვსე-მეშვიდე დღე - გორის (იოსებ სტალინის სამშობლოს) დათვალიერება, გელათის ნახვა და ბათუმში ყოფნა.
მოამზადა სიმონ კილაძემ
წყარო:
https://www.badische-zeitung.de/maulburg/land-der-kontraste-x1x--187097204.html#downloadpaper
სიახლეები
- უცხოური ვალუტის ოფიციალური კურსი 27 აპრილისთვის
- "ჩვენი გზა გამჭვირვალობა, ოჯახური ღირებულებების დაცვა, ეროვნული პოლიტიკის კეთება და საქართველოს რეალური ევროპული გზაა, ქრისტიანული და დემოკრატიული, ღირსეული ევროპული გზა"
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"