"ქართული ოცნების” მხრიდან აცდენაა, დროსა და სივრცეში არიან არეულები“
„მგონია, რომ „ქართული ოცნების” მხრიდან აცდენაა, დროსა და სივრცეში არიან ძალიან არეულები“,- ასე შეაფასა პარტია „სამართლიანობისთვის” ლიდერმა, ეკა ბესელიამ „ქართული ოცნების” ინიციატივა, რომლის თანახმადაც ამომრჩევლის დაშინება ან იძულება სისხლის სამართლის წესით უნდა დაისაჯოს.
„კიდევ ერთხელ ვამბობ, ეს იყო ოპოზიციის მოთხოვნა. თუ ამ ინიციატივას ახლა, სექტემბერში პარლამენტი კენჭს უყრის, მაშინ ჩემი შემხვედრი წინადადებაა და ძალიან პრინციპული მოთხოვნაა, ამას მხარს უჭეტს ყველა ოპოზიციური პარტია, რომ ის პროექტი, რომელიც წარვადგინე ხმების დაცვის მექანიზმი, რომ არ გაყალბდეს ამომრჩევლის ხმა, ეს ინიციატივა, განიხილონ ამ პაკეტთან ერთად”,- განუცხადა „მთავარ არხს“ ეკა ბესელიამ.
„ქართული ოცნება“ გამოდის ინიციატივით, საარჩევნო კოდექსში შევიდეს ცვლილება, რომლის თანახმადაც, მკაცრი სანქციები განისაზღვრება ამომრჩევლის იძულების, დაშინებისა და ხმის მიცემის ფარულობის დარღვევის შემთხვევებზე. ამის შესახებ საქართველოს პარლამენტის თავმჯდომარემ, არჩილ თალაკვაძემ ბრიფინგზე განაცხადა.
სიახლეები
- "დღეს ამ კანონის მიღება არის ქვეყნის ღალატი!" - ფრიდონ შუბითიძე
- 29 აპრილს, ქუთაისში აქცია-კონცერტი - “არა რუსულ კანონს” გაიმართება
- "სენატორების წერილი განგაშის ზარია"- სალომე სამადაშვილი
- "პროვოკაციებს არ დავუშვებთ - კარგია, რომ აქციები სხვადასხვა დღეს იმართება" - ირაკლი ღარიბაშვილი
- "მიუღებელი, უსამართლო და შეურაცხმყოფელია, მასში მზაკვრობაა ჩადებული, მინიშნება, რომ შეიძლება გადაიხედოს უვიზო რეჟიმი" - ირაკლი ღარიბაშვილი