ველოდებით გამყრელიძის, ცერცვაძის, იმნაძის პოზიციას - ნიკა მელია
ახლა ეროვნული მნიშვნელობის ამოცანაა, საკოორდინაციო საბჭოში შემავალმა ეპიდემიოლოგებმა საზოგადოებას უთხრან, რა გველოდება, - "ნაციონალური მოძრაობის" თავმჯდომარის ნიკა მელიას განცხადებით, თუკი ეპიდემიოლოგები არჩევნების გადადების რეკომენდაციას გასცემენ, მაშინ რეალობას თვალს გაუსწორებენ.
"ამ წუთას არის სრული ვაკუუმი, სიბნელეში დგამენ ნაბიჯს და ამ სიბნელეში ხელების ფათურით დღეში ვკარგავთ 60-მდე ადამიანს. თუკი პროფესიონალებს მიაჩნიათ, რომ ამ სასაკლაოს შეჩერება არის მხოლოდ შესაძლებელი ლოკდაუნის დაწესებით ან არჩევნების გადადებით, პროფესიონალებზე ვსაუბრობთ, გამყრელიძეზე, იმნაძეზე, ცერცვაძეზე, ამ ადამიანებმა უნდა ისაუბრონ. ვინ თუ არა მათ იციან, ხელი უდევთ პულსაციაზე, თუ რამდენად მძიმეა ვითარება, უნდა გამოვიდნენ და საზოგადოებას, მათ შორის პარტიებს გვითხრან.
ცალკე აღებული პოლიტიკოსის მხრიდან საუბარი იმის თაობაზე, თუ რა უნდა გაკეთდეს ხვალ არჩევნების გადადებასთან დაკავშირებით, ჩემი აზრით, არც მართებულია და არც შეუძლია. თუ ეს გასაკეთებელია და თუ პროფესიონალები ამბობენ, რომ ჯანდაცვის სისტემა ვეღარ უძლებს წნეხს, ვეღარ უძლებენ ჩვენი ინფორმაციით და არის სერიოზული აზრთა სხვადასხვაობა ხელისუფლებასა და ეპიდემიოლოგებს შორის, ამის თაობაზე საუბარი უნდა გაიხსნას მათი მხრიდან. აქედან გამომდინარე, ბუნებრივია, ჩვენ რეალობასაც გავუსწორებთ თვალს, ოღონდ ისე არ მოხდეს, როგორც შარშან, როდესაც დეკემბრის თვეში ერთ-ერთმა მთავარმა ეპიდემიოლოგმა განაცხადა, რომ სექტემბერში მხოლოდ აჭარის რეგიონი რომ ჩაგვეკეტაო, ბევრ პრობლემას ავირიდებდითო და ეს თქვა დეკემბერში. აგერ ბატონო, ვართ საარჩევნო პროცესში, გამყრელიძე, ცერცვაძე, იმნაძე უნდა გამოვიდნენ და მათ უნდა თქვან, ველოდებით მათ პოზიციას. თუ მათ ვინმე არ ეთანხმება ხელისუფლებაში, ამასაც გავიგებთ", – განაცხადა ნიკა მელიამ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე