"ოპოზიციაში იციან, რომ სასტიკად მარცხდებიან და დაიწყეს აჟიოტაჟი „ხომ არ გადავდოთ არჩევნები“
გუშინ ოპოზიციაში დაიწყეს აჟიოტაჟი. მათ იციან, რომ ყველა მუნიციპალიტეტსა და ქალაქში სასტიკად მარცხდებიან. მათ დაიწყეს საუბარი, ხომ არ გადავდოთო არჩევნები. ამისთვის მათ სახალხო დამცველის ინსტიტუტი გამოიყენეს და ქალბატონი ნინო დღეს გამოვიდა ინიციატივით, რომ იქნებ საგანგებო მდგომარეობა შემოვიღოთ, რათა მოხდეს არჩევნების გადადება, - ამის შესახებ საქართველოს პრემიერ-მინისტრმა, ირაკლი ღარიბაშვილმა მესტიის მერობის კანდიდატის, კაპიტონ ჟორჟოლიანის წარდგენისას განაცხადა.
მისი თქმით, არჩევნების გადადება არის „ნაციონალური მოძრაობის“ მიერ შემუშავებული გეგმა. როგორც მან განაცხადა, ამ პროვოკაციას მმართველი გუნდი არ წამოეგება.
„არჩევნები ჩატარდება და „ქართული ოცნება“ გაიმარჯვებს. ჩვენ ყველა ქვეყნის გამოცდილება ვნახეთ. პანდემიის დროს, მაშინაც, როცა ვაქცინა ჯერ არ იყო შემოსული, არჩევნების გადადება არავის აზრადაც არ მოსვლია. ერთადერთმა დიქტატორმა, რომლის სახელს არ დავასახელებ, უბრალოდ გააუქმა არჩევნები. თუ „ნაცმოძრაობა“ და სააკაშვილი ამას გვთავაზობენ, ჩვენ არ გაგვიკვირდება, რადგან ვიცით, ეს მათი ხელწერაა“, - აღნიშნა ღარიბაშვილმა.
პრემიერმა საზოგადოებას მოუწოდა, რომ მშვიდობიანი განვითარება შეუფერხებლად განაგრძოს. მისი თქმით, ხალხს სიმშვიდე და სტაბილურობა სჭირდება.
„2020 წლის ოქტომბრის არჩევნებში ჩვენმა გუნდმა დამაჯერებლად გაიმარჯვა. ჩვენ მილიონზე მეტმა ამომრჩეველმა დაგვიჭირა მხარი და მოგვცა მანდატი, რომელსაც ჩვენ აუცილებლად დავიცავთ და ბოლომდე, 2024 წლამდე მივიყვანთ“, - განაცხადა ირაკლი ღარიბაშვილმა.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"