''მნიშვნელობა არ აქვს ქვეყანა დიდია თუ პატარა, როცა თავისუფლებას ვიცავთ, ყველას წვლილს აქვს მნიშვნელობა'' - ვოლოდიმირ ზელენსკი ისლანდიის პარლამენტს
მნიშვნელობა არ აქვს ქვეყანა დიდია თუ პატარა, როცა თავისუფლებას ვიცავთ, ყველას წვლილს აქვს მნიშვნელობა, - ამისშესახებ უკრაინის პრეზიდენტმა ვოლოდიმირ ზელენსკიმ ისლანდიის პარლამენტისთვის მიმართვისას აღნიშნა.
ზელენსკის თქმით, უკრაინა ქვეყნის აღსადგენად უკვე ემზადება.
„აშკარაა, რომ რუსეთის ომი უკრაინის წინააღმდეგ არ არის მხოლოდ ერთი ქვეყნის ხელში ჩაგდებისა და მასში სიცოცხლის განადგურების მცდელობა. არა! ეს თავისუფლების ხელყოფაა. სწორედ ამიტომ, მსოფლიოს ყველა თავისუფალი ადამიანისთვის მნიშვნელოვანია, რომ ჩვენი ქვეყანა რუსეთთან დაპირისპირებაში მარტო არ დარჩეს. მნიშვნელოვანია, რომ ყველა ერი დაეხმაროს. მადლობელი ვარ თქვენი ხალხის იმ ნაბიჯებისთვის, რომელიც უკვე გადადგით. მე მოგიწოდებთ, არ გაჩერდეთ. მოვუწოდებ თქვენს მთავრობას, თქვენს დიპლომატებს, თქვენს ხალხს, რუსეთზე ზეწოლის გაზრდას მხარი დაუჭირონ. ვიყოთ თავისუფლების დამცველები ყველა მიმართულებით, არავითარი ვაჭრობა ტირანიასთან, უპირველეს ყოვლისა აუცილებელია, რუსული ნავთობპროდუქტების მიტოვება. არანაირი ფინანსური კავშირი ტირანიასთან, არანაირი პოლიტიკური დახმარება ტირანიისთვის. მნიშვნელობა არ აქვს ქვეყანა დიდია თუ პატარა, როცა თავისუფლებას ვიცავთ, ყველას წვლილს აქვს მნიშვნელობა. ჩვენ, უკრაინაში გამარჯვების ნამდვილად გჯერა. ჩვენ ყველაფერს ვაკეთებთ იმისთვის, რომ განვდევნოთ დამპყრობლები, ჩვენი მიწა და ჩვენი ხალხი გავათავისუფლოთ. თარიღს ვერ გეტყვით როდის მოხდება ეს, მაგრამ ჩვენ უკვე ქვეყნის აღსადგენად ვემზადებით", - განაცხადა ზელენსკიმ.
უკრაინის ლიდერმა ისლანდიას მოუწოდა, უკრაინის აღდგენის პროცესში უკრაინას შეუერთდნენ.
„ჩვენ ვიწვევთ ჩვენს მეგობრებს, უკრაინის აღდგენის პროგრამის განხორციელებაში ჩვენთან ერთად მონაწილეობა მიიღონ. მე ვიწვევ თქვენს ქვეყანას, თქვენს კომპანიებს, რათა უკრაინის რეკონსტრუქციაში მონაწილეობა მიიღონ, კერძოდ ჩვენი სახელმწიფოს ენერგომოდერნიზაციაში, რადგან თქვენი ენერგოეფექტურობის გამოცდილებაც დაეხმაროს ჩვენს ხალხს. დარწმუნებული ვარ, ამ სამუშაოს დაწყებას მალე შევძლებთ, მაგრამ ჯერ ჩვენ დავიცავთ თავისუფლებას, ჩვენს საერთო თავისუფლებას, ჩვენ ამას გავაკეთებთ", - დასძინა ზელენსკიმ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე