''საქართველოს, უკრაინისა და მოლდოვისგან განსხვავებით, ამ სტატუსისთვის აუცილებელი მსხვერპლი დღეს არ გაუღია''
"ქართული ოცნების" თავმჯდომარის, ირაკლი კობახიძის განცხადებით, გულდასაწყვეტია, რომ საქართველომ ევროკავშირის წევრობის კანდიდატის სტატუსი არ მიიღო, მაგრამ მას უკრაინისა და თუნდაც მოლდოვისგან განსხვავებით, ამ სტატუსისთვის აუცილებელი მსხვერპლი დღეს არ გაუღია.
ირაკლი კობახიძის თქმით, 14 და 30 წლის წინ გაღებულ მსხვერპლსა და დაღვრილ სისხლს ევროპელი პარტნიორებისთვის აქტუალობა უკვე დაკარგული აქვს.
"აღნიშნული სტატუსის ამ ეტაპზე არმიღება ჩვენთვის ამ ეტაპზე გულდასაწყვეტია, მაგრამ გვესმის, რომ საქართველოს უკრაინისა და თუნდაც მოლდოვისგან განსხვავებით ამ სტატუსის მისაღებად აუცილებელი მსხვერპლი დღეს არ გაუღია. გვესმის, რომ 14 და 30 წლის წინ გაღებულ მსხვერპლსა და დაღვრილ სისხლს და 300 000 დევნილს ჩვენი ევროპელი პარტნიორებისთვის, სამწუხაროდ, უკვე აქტუალობა აქვს დაკარგული", - განაცხადა კობახიძემ.
მან უკრაინასა და მოლდოვას ევროკავშირის წევრობის კანდიდატის სტატუსთან დაკავშირებით ევროკომისიის მიერ პოზიტიური დასკვნის მიღება მიულოცა და აღნიშნა, რომ საქართველო ბევრად უფრო წინაა გატარებული რეფორმებით, თუმცა უკრაინაში მიმდინარე ომის დროს პოლიტიკური გადაწყვეტილების მიღება იყო საჭირო.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე