''ახლა დროა გავაცნობიეროთ, რომ უკრაინის, მოლდოვასა და საქართველოს მომავალი ევროკავშირშია'' - შარლ მიშელი
ევროპული საბჭოს პრეზიდენტი შარლ მიშელი აცხადებს, რომ უკრაინის, მოლდოვასა და საქართველოს მომავალი ევროკავშირშია.
შარლ მიშელი სოციალურ ქსელში მოუწოდებს ევროკავშირის ქვეყნებს უკრაინასა და მოლდოვას წევრობის კანდიდატის სტატუსი მიანიჭონ.
„ახლა დროა გავაცნობიეროთ, რომ უკრაინის, მოლდოვასა და საქართველოს მომავალი ევროკავშირის ფარგლებშია.
გიწვევთ უკრაინასა და მოლდოვასთვის კანდიდატის სტატუსის მინიჭებისთვის.
პარალელურად, ჩვენ გავაგრძელებთ უკრაინის ძლიერ ჰუმანიტარულ, სამხედრო, ეკონომიკურ და ფინანსურ მხარდაჭერას”,- წერს შარლ მიშელი „ტვიტერზე“.
შარლ მიშელმა „ტვიტერზე“ ვიდეომიმართვაც გაავრცელა, სადაც აღნიშნავს, რომ ევროკავშირმა უნდა გადაწყვიტოს კანდიდატის სტატუსის მინიჭება უკრაინისა და მოლდოვისთვის და ამ ქვეყნებს მოუწევთ შეასრულონ ევროკავშირის პირობები მათ ევროპულ გზაზე, კერძოდ კანონის უზენაესობისა და კორუფციასთან ბრძოლის კუთხით.
„რამდენიმე დღეში, ბრიუსელში ევროკავშირის 27 ლიდერი ერთმანეთს შეხვდება და მინდა გითხრა თუ რატომაა ეს მნიშვნელოვანი შეხვედრა. უპირველეს ყოვლისა, ჩვენ უნდა უმნიშვნელოვანესი გადაწყვეტილება მივიღოთ. მჯერა, რომ დროა ვაღიაროთ უკრაინის, მოლდოვისა და საქართველოს ევროპული პერსპექტივა. უფრო კონკრეტულად, ჩემი განზრახვაა, რომ ჩვენ გადავწყვიტოთ კანდიდატის სტატუსის მინიჭება უკრაინისა და მოლდოვისთვის. რა თქმა უნდა, ამ ქვეყნებს მოუწევთ შეასრულონ ევროკავშირის პირობები მათ ევროპულ გზაზე, კერძოდ კანონის უზენაესობისა და კორუფციასთან ბრძოლის კუთხით“, - აღნიშნა მიშელმა.
ევროპული საბჭოს პრეზიდენტმა დასავლეთ ბალკანეთის მიმართულებით ევროკავშირის გაფართოების პროცესზეც ისაბურა. მიშელის თქმით, დასავლეთ ბალკანეთი მნიშვნელოვანია ევროკავშირისთვის, ისევე როგორც ევროგაერთიანება მნიშვნელოვანია დასავლეთ ბალკანეთისთვის.
გარდა ამისა, ევროპული საბჭოს პრეზიდენტმა განაცხადა, რომ 27 წევრი ქვეყნის მეთაურებს შორის გამართული სამიტის დროს განხილული იქნება, ომით გამოწვეულ მზარდ ინფლაციასა და ენერგეტიკისა და სურსათის გაძვირებულ ფასებთან გამკლავების გზები.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე