''არსებობს ძალიან დიდი შანსი, რომ 2023 წელს მოგვენიჭოს კანდიდატის სტატუსი, არავითარი ისტორიული შანსი არ დაგვიკარგავს, ეს არის სპეკულაცია'' - ირაკლი კობახიძე
ჩვენ 2024 წელს გვქონდა დაგეგმილი განაცხადის შეტანა და ველოდებოდით, რომ იქიდან ორ წელში მოგვენიჭებოდა კანდიდატის სტატუსი, როგორც ეს სტანდარტული პრაქტიკით არის გათვალისწინებული, – ამის შესახებ „ქართული ოცნების“ თავმჯდომარემ ირაკლი კობახიძემ ტელეკომპანია „იმედის“ ეთერში განაცხადა.
მისივე თქმით, არსებობს ძალიან დიდი შანსი, რომ საქართველოს 2023 წელს მიენიჭოს კანდიდატის სტატუსი.
„ასეთი იყო გეგმა, 2024-ში განაცხადის შეტანა და 2026-ში სტატუსის მიღება. ვხედავთ, რომ ეს ყველა შემთხვევაში დაჩქარდება. საუბარია უკვე 2023 წელზე და იმედი გვაქვს, რომ მომავალ წელს უკვე მივიღებთ კანდიდატის სტატუსს. არავითარი ისტორიული შანსი არ დაგვიკარგავს და ეს არის სპეკულაცია. ზუსტად ასეთივე 12 პუნქტი ევროკავშირმა დაუდგინა მოლდოვასა და უკრაინასაც. აბსოლუტურად იდენტურია რეალურად ვითარება, ერთადერთი განსხვავება ის არის, რომ ჩვენ ამ პუნქტების შესრულების შემდეგ მოგვენიჭება კანდიდატის სტატუსი. უკრაინა და მოლდოვა თუ იმ პუნქტებს არ შეასრულებენ შეიძლება, მათი სტატუსი გადაიხედოს. ეს არის ერთადერთი განსხვავება, თუმცა არსებითად შესაკრებთა გადანაცვლების ვარიანტია“, – განაცხადა ირაკლი კობახიძემ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე