სალომე ზურაბიშვილი აშშ-ის ელჩის მიმართ გაკეთებული განცხადებების გამო წუხს
საქართველოს პრეზიდენტი სალომე ზურაბიშვილი წუხილს გამოთქვამს საქართველოში აშშ-ის ელჩის მიმართ გაკეთებული განცხადებების გამო. ზურაბიშვილმა პრეზიდენტის სასახლეში გამართულ ბრიფინგზე თქვა, რომ "ჩვენი მეგობრები არიან ჩვენი მეგობრები".
"ძალიან ვწუხვარ იმ განცხადებების გამო, რომელიც კეთდება ამერიკის ელჩის მიმართ. არ მგონია, რომ ეს იყოს სწორი ფორმა. თუ რამე მტკიცებულებებია, საერთო დიპლომატიური წესი მოითხოვს, რომ ელჩთან გაიმართოს ერთი-ერთზე საუბარი და არა ტელევიზიებით. ჩვენი მეგობრები არიან ჩვენი მეგობრები და ჩვენ სხვა მეგობრები არ გვყავს", - თქვა საქართველოს პრეზიდენტმა.
აშშ-ის ელჩის მიმართ კრიტიკა მას შემდეგ დაიწყო, რაც "მთავარი არხის" დირექტორის საქმის მოსამართლემ, ლაშა ჩხიკვაძემ თქვა, რომ ნიკა გვარამიას გამამტყუნებელი განაჩენის დეტალებით ელჩი კელი დეგნანი დაინტერესდა და ის აშშ-ის საელჩოს პროგრამიდან მოხსნეს.
"ელჩს აინტერესებს ამ საქმეზე რატომ მივიღე გამამტყუნებელი განაჩენი და განსაკუთრებით რატომ გამოვიყენე სასჯელად თავისუფლების აღკვეთა. ჩემი შეფასებით ეს იყო ანგარიშის მოთხოვნა კონკრეტულ საქმესთან დაკავშირებით... ეს ვითარება ჩემთვის გამაოგნებელი აღმოჩნდა", - წერია "რუსთავი 2"-ის მიერ ლაშა ჩხიკვაძის სახელით გავრცელებულ წერილში.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე