''ხელისუფლებამ მკვეთრი გამიჯვნა უნდა გააკეთოს ანტიამერიკული პროპაგანდისგან''
თუ თქვენ გინდათ, ელჩის და პოლიტიკოსების კინკლაობა "გაატაროთ", ასე არ გამოვა - ელჩმა თქვა, რომ ასე ფიქრობს ამერიკის შეერთებული შტატები,- ამის შესახებ "გირჩის" დეპუტატმა იაგო ხვიჩიამ ჟურნალისტებთან აშშ-ის ელჩის, კელი დეგნანის განცხადების კომენტირებისას აღნიშნა.
მისი თქმით, ელჩმა ამით თქვა, რომ "ქართული ოცნება" და ე.წ. ოთხეული "განუყოფელი ხალხია" და ასე ფიქრობენ აშშ-ში.
"ელჩის განცხადებაში ახალი არაფერი იყო, ჩვენ ყველა ვგრძნობდით იმას, რაც მან თქვა, კერძოდ იმას, რომ "ქართული ოცნება" და ეს „ოთხეული“ განუყოფელი ხალხია. შესაბამისად, ამ ფინტის შესრულება დამაჯერებელი არავისთვის იქნებოდა. საქართველოს ხელისუფლებამ უნდა გააკეთოს მკვეთრი გამიჯვნა ანტიამერიკული პროპაგანდისგან. თუ თქვენ გინდათ ელჩის და პოლიტიკოსების კინკლაობა „გაატაროთ“, ასე არ გამოვა - ასე ფიქრობს ამერიკის შეერთებული შტატებიო, ეს თქვა ელჩმა, როგორც მე გავიგე",- განაცხადა ხვიჩიამ.
საქართველოში ამერიკის ელჩის, კელი დეგნანის განცხადებით, ვაშინგტონის მაღალი თანამდებობის პირებისგან კითხვები მიიღო იმ პირების მოტივების შესახებ, რომლებიც განაგრძობენ რუსულ დეზინფორმაციაზე დაფუძნებული შეთქმულების თეორიებისა და სიცრუის გამეორებას. როგორც ელჩმა განაცხადა, ვაშინგტონის მაღალჩინოსნებში დიდი დაბნეულობაა, თუ რატომ არ ემიჯნება ამას მთავრობა უფრო მკვეთრად და მკაფიოდ.
სიახლეები
- „საქსტატი“ - 2023 წელს, ემიგრანტების რაოდენობა 95.6%-ით გაიზარდა
- საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ - გერმანიის საგარეო უწყება
- ვიზალიბერალიზაცია დავიწყეთ ჩვენ, მაგრამ ამათმა, როგორც ყველა სხვა დანარჩენი, ესეც უკუღმა წაიყვანეს
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე