"ტენდენცია უმჯობესდება, სიღარიბე, უმუშევრობა არის შემცირებული და კიდევ უფრო მეტი აქტიურობა გვჭირდება"
ტენდენცია უმჯობესდება, სიღარიბე არის შემცირებული, უმუშევრობა არის შემცირებული და კიდევ უფრო მეტი აქტიურობა გვჭირდება ჩვენ, – ამის შესახებ საქართველოს პრემიერ-მინისტრმა, ირაკლი ღარიბაშვილმა საქართველოს ბიზნეს ასოციაციის წევრებთან შეხვედრის შემდეგ, ჟურნალისტებს განუცხადა.
მთავრობის მეთაურს კითხვა დაუსვეს, ეკონომიკური ზრდის ფონზე, პროდუქტებზე ფასები არის მომატებული, ოპოზიცია ამბობს, რომ არასწორად არის ბიუჯეტი გადანაწილებული, ირაკლი ღარიბაშვილმა აღნიშნა, რომ წინა ხელისუფლების დროს ქვეყნის ეკონომიკა მხოლოდ 27 მილიარდი იყო.
„ოპოზიციის მმართველობის დროს ჩვენი ქვეყნის ეკონომიკა იყო დაახლოებით 27 მილიარდი. 80 მილიარდი არის ჩვენი ქვეყნის ეკონომიკა და ბოლო ორ წელიწადში, ჩემი პრემიერობის დროს, 30 მილიარდით გავზარდეთ ქვეყნის ეკონომიკა. ეს არის პასუხი და ფაქტი. ამას გარდა, მინდა, ვთქვა, რომ თითქმის 80 ათასი სამუშაო ადგილი შეიქმნა, ჯამში ერთად. ბიზნესი, საზოგადოებრივი სამუშაოებიც ამას ემატება და ეს არის მინიმუმი, რაც ჩვენ ამ რვა თვის განმავლობაში შევძელით. ტენდენცია უმჯობესდება, სიღარიბე არის შემცირებული, უმუშევრობა არის შემცირებული და ჩვენ კიდევ უფრო მეტი აქტიურობა გვჭირდება“, – განაცხადა პრემიერმა.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"