კალაძის განმარტებით, ეს შიდა დაპირისპირება ცხადია, რადგან „ნაციონალური მოძრაობის“ წევრები საჯაროდაც არ ერიდებიან ამაზე საუბარს და ერთმანეთს კომპრომატებით ემუქრებიან.

„ერთი რამ ცხადი და აშკარაა, რომ შიდა დაპირისპირებაა, ისინი უკვე საჯაროდაც არ ერიდებიან ამაზე საუბარს, იმუქრებიან ერთმანეთზე რაღაც კომპრომატებით, ეს არის შიდაპარტიული ბრძოლა „კლანებს“ შორის. მე სიმართლე გითხრათ, დიდად არ ვინტერესდები „ნაციონალური მოძრაობაში“ თუ რა დინებებია, თუ ვინ ვის ებრძვის, რატომ ებრძვის და ა.შ. ეს მათი გადასაწყვეტია, ჩვენთვის ყველაზე მთავარი არის ის, რომ გავაკეთოთ ჩვენი საქმე, საკმაოდ ბევრი გვაქვს გასაკეთებელი, საკმაოდ უამრავი გამოწვევაა და ყველაფერს გავაკეთებთ იმისთვის, რომ ამ გამოწვევებს ღირსეულად ვუპასუხოთ“,- განაცხადა კახა კალაძემ.