"ყველა ახალგაზრდამ უნდა გაიაროს დაწყებითი საბრძოლო მომზადება მხოლოდ თავდაცვის ძალებში"- ალეკო ელისაშვილი
პარტია „მოქალაქეების“ ლიდერი ალეკო ელისაშვილი თავდაცვის კოდექსში ცვლილებებს დადებითად აფასებს.
მისივე თქმით, ყველამ უდნა გაიაროს დაწყებითი საბრძოლო მომზადება და მხოლოდ მხოლოდ თავდაცვის ძალებში.
„ძლივს, ძლივს, როგორც იქნა, მთავრობამ გაიღვიძა. თავდაცვის კოდექსი მუშავდებოდა ბოლო ერთი წლის განმავლობაში, უშუალოდ ვიყავი ჩართული, როგორც თავდაცვისა და უშიშროების კომიტეტის წევრი. კარგია, რომ ბოლოს და ბოლოს მიხვდნენ, რომ ეს აუცილებელი, სწორია. სტუდენტები არ უნდა მიდიოდნენ ყარაულებად არც სახელმწიფო დაცვის პოლიციაში და მით უმეტეს სასჯელაღსრულებაში. ყველა ახალგაზრდამ უნდა გაიაროს დაწყებითი საბრძოლო მომზადების პროგრამა. ყველამ უნდა გაიაროს ათეულის, ოცეულის, ასეულის და ბატალიონის დონეზე მომზადება. ისეთ რეგიონში და ისეთ გარემოში ვართ, იარაღის ხმარება ყველამ უნდა იცოდეს. საბრძოლო მომზადება უნდა გაიაროს მხოლოდ და მხოლოდ თავდაცვის ძალებში, არანაირი გამონაკლისები რელიგიური ნიშნით. „გირჩის“ ის რაღაც მავნებლობა იყო და ეს მავნებლობა უნდა დასრულდეს. ჩვენ ისეთ რეგიონში ვცხოვრობთ, ამ ქვეყანაში ყველამ უნდა იცოდეს იარაღის ხმარება. მიმაჩნია, ამ ეტაპზე უნდა იყვნენ ბიჭები, მაგრამ თანდათან ქალებმაც გაიარონ საბრძოლო მომზადება, როგორც ფინეთში, ისრაელშია და როგორც ყველა მსგავსი გამოწვევების მქონე ქვეყანაშია“, – განაცხადა ალეკო ელისაშვილმა.
თავდაცვის კოდექსში ცვლილებები შედის, რომლის მიხედვითაც, საქართველოს ყველა მოქალაქე სავალდებულო-სამხედრო სამსახურს მხოლოდ თავდაცვის უწყებაში გაივლის. ამასთან, თავდაცვის მინისტრის ჯუანშერ ბურჭულაძის განცხადებით, თავდაცვის ახალი კოდექსის მიხედვით, აღარ იქნება დატოვებული სამხედრო სამსახურისთვის თავის არიდების არსებული საშუალებები.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი