ირაკლი ღარიბაშვილი სომხეთში სამუშაო ვიზიტს გამართავს
საქართველოს სამთავრობო დელეგაცია პრემიერ-მინისტრის, ირაკლი ღარიბაშვილის ხელმძღვანელობით, სომხეთში სამუშაო ვიზიტს გამართავს, ინფორმაციას საქართველოს და სომხეთის მთავრობების პრესსამსახურები ავრცელებენ.
სომხეთის მთავრობის პრესსამსახურის ცნობით, პრემიერ-მინისტრ ნიკოლ ფაშინიანისა და საქართველოს პრემიერის, ირაკლი ღარიბაშვილის თავმჯდომარეობით, სომხეთსა და საქართველოს შორის ეკონომიკური თანამშრომლობის მთავრობათაშორისი კომისიის მორიგი სხდომა გაიმართება.
ასევე დაგეგმილია ორი ქვეყნის პრემიერ-მინისტრებს შორის პირისპირ შეხვედრა.
საქართველოს მთავრობის პრესსამსახურის თანახმად, საქართველოს დელეგაციის შემადგენლობაში არიან ასევე ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი ილია დარჩიაშვილი, რეგიონული განვითარებისა და ინფრასტრუქტურის მინისტრი ირაკლი ქარსელაძე და მთავრობის ადმინისტრაციის უფროსი რევაზ ჯაველიძე.
სომხეთის პრემიერ-მინისტრი ნიკოლ ფაშინიანი და მისი კაბინეტის წევრები საქართველოში სამუშაო ვიზიტით 2021 წლის 20 დეკემბერს იმყოფებოდნენ. ნიკოლ ფაშინიანის ოფიციალური ვიზიტი საქართველოში კი ბოლოს 2021 წლის სექტემბერში შედგა.
მანამდე, გასული წლის 18 ივნისს, ირაკლი ღარიბაშვილი ნიკოლ ფაშინიანს ერევანში შეხვდა. საქართველოს მთავრობის ადმინისტრაციის პრესსამსახურის ინფორმაციით, ირაკლი ღარიბაშვილი სომხეთის დედაქალაქში ნიკოლ ფაშინიანის მიწვევით, ერთდღიანი ვიზიტით იმყოფებოდა.
საქართველოს პრემიერ-მინისტრმა ირაკლი ღარიბაშვილმა არაერთხელ განაცხადა, რომ საქართველო დაინტერესებულია, რომ რეგიონში იყოს მშვიდობა და სტაბილურობა.
სიახლეები
- კომიტეტმა „აგენტების კანონი“ მესამე მოსმენით 67 წამში განიხილა და მიიღო
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს