"რადიკალური ოპოზიცია თავს ესხმის ევროპის საბჭოს საპარლამენტო ასამბლეის პრეზიდენტს"- ირაკლი კობახიძე
პარტია „ქართული ოცნების“ თავმჯდომარე ირაკლი კობახიძე ევროპის საბჭოს საპარლამენტო ასამბლეის პრეზიდენტ ტინი კოქსზე რადიკალური ოპოზიციის მიერ გაკეთებულ განცხადებებს ეხმიანება.
„რადიკალური ოპოზიცია თავს ესხმის ევროპის საბჭოს საპარლამენტო ასამბლეის პრეზიდენტს. ეს ნიშნავს, რომ მათი თვითმიზანია ანტიდასავლური, ანტიევროპული რიტორიკის წარმოება. ყველამ კარგად იცის, თუ რა პოზიციები აქვს ტინი კოქსს. აქედან გამომდინარე, არავითარი საფუძველი არ ჰქონდა ამ თავდასხმას. ნახეთ, რომ ამ კანდიდატურის ყველა მხარდამჭერი მოხსენიებული იყო, როგორც კრემლის გეგმების თანამზრახველი, რაც აბსურდია. მით უფრო, რომ ტინი კოქსის კანდიდატურას მხარი დაუჭირა ასამბლეის 80%-ზე მეტმა“, - განაცხადა კობახიძემ.
ევროსაბჭოს საპარლამენტო ასამბლეის ახლად არჩეული პრეზიდენტი ქართულ პოლიტიკურ სპექტრში დაპირისპირების მიზეზი გახდა. ოპოზიციის ნაწილი ტინი კოქსს პრორუსს უწოდებს და „ქართულ ოცნებას“ მისი მხარდაჭერის გამო აკრიტიკებს.
ტინი კოქსი, ჯამში, 175-მა დეპუტატმა აირჩია, მეორე კანდიდატს, უკრაინელ ალექსანდრ მერეჟკოს კი მხოლოდ 44 -მა წარმომადგენელმა დაუჭირა მხარი.
სიახლეები
- „რუსეთს იმედი აქვს, რომ „თეთრ სახლში თავის კაცს დასვამს“ და ამით ნატოს ძლიერებას დაასუსტებს“ – უცხოური პრესა
- "ცვლილებები ჩვენი მხრიდან, ბუნებრივია, ვერ დაიგეგმება გამომდინარე იქიდან, რომ ხვალ მესამე მოსმენით მიიღება კანონი"- პრემიერი
- უცხოური ვალუტის ოფიციალური კურსი 14 მაისისთვის
- "სრული პასუხისმგებლობით გეუბნებით, ტყუილად არ დაუკავებიათ არავინ, ეს ადამიანები ახორციელებდნენ ძალადობას"
- "გდდ-ს ყველა თანამშრომელი ეჭვმიტანილია არაადამიანურ მოპყრობაში, წამებასა და სისხლის სამართლის დანაშაულის ჩადენაში"